Qazirgi tańda oblysta 5538 memlekettik qyzmetker bolsa, sonyń 7-eýi saıası, al 19-y «A» korpýsynyń jáne 5512-si ákimshiliktik qyzmetkerleri eken. Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Bergen Bespalınov memlekettik qyzmetkerlerdiń ortasha jasy 39,2 jas ekendigin tilge tıek ete kelip, olardyń qatarynda 29 etnos ókili men 3486 áıeldiń bar ekenin alǵa tartty. Shamamen 4900 memqyzmet joǵary bilimdi bolsa, ortasha jumys ótili 10,1 jyldy quraıtyndyǵyn da aıta ketý kerek. Memlekettik qyzmetkerlerdi attestattaý máselesi boıynsha sóz etken departament basshysy Birtutas oblystyq attestattaýdan komıssııasynan 864 qyzmetkerdiń súrinbeı ótkenin, sonyń 77-si óz qyzmetterine laıyq, tipti laýazymyn kóterý týraly usynys engizilgendigin jetkizdi. Kerisinshe, 9 qyzmetker óz laýazymyna sáıkes emes dep tabylyp, olardyń laýazymdaryn tómendetý týraly usynys jasalypty. Sondaı-aq, brıfıngte sóz alǵan «Aqmola oblysy ákimdigi janyndaǵy Memlekettik qyzmetshilerdi qaıta daıyndaý jáne biliktiligin jetildirý aımaqtyq ortalyǵy» memlekettik kommýnaldyq qazynashylyq kásipornynyń dırektory, Aqmola oblystyq máslıhatynyń depýtaty Álibek Baımaǵambetov ortalyq ashylǵan 2005 jyldan beri 13599 memlekettik qyzmetshi óz biliktilikterin arttyrǵandyǵyn aıtty. Keltirilgen málimetterge qaraǵanda, tek 2016 jyldyń ózinde 914 memlekettik qyzmetshiniń ornyna atalǵan ortalyqta 1356 adam oqytylǵan kórinedi. Al ústimizdegi jyldyń I toqsanynda 303 memlekettik qyzmetshi óz biliktiligin jetildiripti. Jalpy, memlekettik qyzmettegilerge qoıylatyn talaptar da jyl saıyn jetildirilip, jaqsy damyp kele jatqandyǵy da erekshe ataldy.
Asqar TURAPBAIULY, «Egemen Qazaqstan» Aqmola oblysy