Alaıaqtyq jolmen jınalǵan qaıyrymdylyq qarajatyn jymqyrdy degen aıyppen sottalǵan Perızat Qaırattyń kolonııadaǵy qazirgi jumysy týraly Qylmystyq-atqarý júıesi komıtetiniń baspasóz qyzmeti málimdedi. 2025 jyly qoǵam belsendisi 10 jylǵa bas bostandyǵynan aıyrylǵan bolatyn, dep jazady Egemen.kz.
Buǵan deıin QAJK tóraǵasy Abaı Qaıyrbekov kolonııada áıeldiń qabiletteri men bos jumys oryndary eskeriletinin aıtqan edi. Onyń aıtýynsha, Perızat Qaırat tigin óndirisinde nemese basqa da jumystarda eńbek etýi múmkin bolatyn.
Perızat Qaırattan tárkilengen kólik memlekettik organdardyń menshigine berildi
Qazirgi tańda ol jazasyn óteý mekemesinde eńbekpen qamtylyp, qyzmettik úı-jaılardy tazalaý jumysyn atqaryp júr.
Eske sala keteıik, 2025 jylǵy 25 shildede Perızat Qaırat 10 jylǵa bas bostandyǵynan aıyrylyp, qaıyrymdylyq úshin beriletin «Shapaǵat» memlekettik nagradasynan da aıyrylǵan.
Sot sondaı-aq onyń jáne qosa aıyptalǵan anasynyń 50 jábirlenýshige keltirgen materıaldyq shyǵyndy óteýin mindettep, jalpy somasy 1 mıllıard 582 mıllıon teńgeni óndirý týraly sheshim shyǵardy. Budan bólek, olardan árqaısysy 22 mıllıon teńge memlekettik baj jáne 698 myń teńge sot shyǵyndaryn tóleý talap etilgen.