Astanadaǵy Maqsut Narikbayev University-de «International Legathon MaxUP 2026» ekinshi halyqaralyq zań salasyndaǵy keıs-chempıonaty ótti. Aýqymdy saıysqa 13 memleketten 90-nan astam stýdent qatysty, dep jazady Egemen.kz
Is-shara Memleket basshysy jarııalaǵan Sıfrlandyrý jáne jasandy ıntellekt jyly aıasynda uıymdastyryldy. «Bolashaq quqyǵy» taqyrybyndaǵy baıqaý elimizden bólek, Ázerbaıjan, Germanııa, Grýzııa, Kanada, Qyrǵyzstan, Qytaı, Malaızııa, О́zbekstan, Reseı, Rýmynııa, Úndistan jáne Shrı-Lanka joǵary oqý oryndarynyń 23 komandasyn biriktirdi. Jarys barysynda stýdentter jańa tehnologııalardyń zań júıesine, quqyq qaǵıdattaryna, etıka men adam quqyqtaryna áserin zerttedi.
«Eki kúnge sozylǵan International Legathon MaxUP saıysynda qatysýshylar quqyqtyń bolashaǵy búginnen bastap qalyptasatynyn kórsetti. Bul olardyń ıdeıalary, usynǵan sheshimderi jáne jańasha oılaý qabiletine baılanysty. Qazir biz quqyq pen tehnologııa qatar damyp jatqan kezeńde ómir súrip otyrmyz. Sondyqtan búgingi tańda tek zańdy bilý az, ony jańa talaptarǵa saı túsinip, beıimdele bilý mańyzdy», dedi MNU Basqarma tóraǵasy Talǵat Nárikbaev.
«Lex Fantastica» debat formatyndaǵy baıqaýdyń birinshi kezeńi «Astana» halyqaralyq qarjy ortalyǵynyń Sotynda uıymdastyryldy. Pikirsaıys barysynda stýdentter metaǵalamsharlardyń menshik ıeleriniń jaýapkershiligi men ony naqty bir memleketterdiń balamasy retinde qarastyrý, vırtýaldy aktıvterdi retteý jáne vırtýaldy bolmystyń menshigin qorǵaý, sondaı-aq jasandy ıntellekt sýdıadan bas tartý men vırtýaldy shyndyqta bolý ýaqytyn shekteýdiń zańdylyǵy týraly dálelder keltirdi. Jarystyń fınaldyq kezeńi men Grand-fınal MNU-da ótti.
Bilim salasyndaǵy serpilis
Fınalǵa qatysýshylar avtonomdy kólikti paıdalaný, sıntetıkalyq kontent jáne ekonomıkadaǵy jasandy ıntellektini retteıtin normalardy ázirleý boıynsha óz ıdeıalaryn usyndy. Tóreshiliktiń beıtaraptyǵyn saqtaý úshin qatysýshylar sóz sóıleý barysynda óz eli men ýnıversıtetin tanytqan joq. Komandalardyń usynystaryn ádilet, ǵylym jáne joǵary bilim vıse-mınıstrleri, Joǵarǵy Sot sýdıasy, jetekshi zań fırmalarynyń seriktesteri, halyqaralyq kompanııalary, damý ınstıtýttary, sondaı-aq dıplomatııa jáne bilim berý salalarynyń ókilderi baǵalady.
«MNU – jasandy ıntellektini zańdastyrýdyń normatıvtik quqyqtyq sheńberi týraly máseleni kótergen alǵashqy ýnıversıtet. Eń qyzyǵy, baıqaýǵa túrli elderden osy máselelerdi sheshetin komandalar kóp jınaldy. Elimizde jasandy ıntellekt týraly zań qabyldanǵany belgili. Osyndaı is-sharalar esebinen biz qazirgi zańnamaǵa taǵy bir ret qarap, zańǵa táýeldi normatıvtik quqyqtyq aktilerdi pysyqtaýǵa nemese jetildirýge bolatyn jańa normalardy ala alamyz», dedi Ǵylym jáne joǵary bilim vıse-mınıstri Dınara Sheglova.
700 bilim baǵdarlamasy jabylyp, tyń baǵyttar iske qosylady
Saıys qorytyndysy boıynsha orys lıgasynda Ál-Farabı atyndaǵy Qazaq ulttyq ýnıversıtetiniń (Qazaqstan), Maqsut Narikbayev University (Qazaqstan) jáne V.F. Iаkovlev atyndaǵy Oral memlekettik zań ýnıversıtetiniń (Reseı) komandalary kósh bastady, al aǵylshyn lıgasynda úzdik nátıjelerdi Malaııa ýnıversıtetiniń (Malaızııa), Rýmyn-amerıkan ýnıversıtetiniń (Rýmynııa) jáne Makgıll ýnıversıtetiniń (Kanada) stýdentteri kórsetti. Konkýrstyń jeńimpazy Malaızııanyń tuńǵysh jáne eń bedeldi joǵary oqý orny – Malaııa ýnıversıtetiniń komandasy atandy.
«Mundaı baıqaýlar álem jastaryna óte mańyzdy. Usynylǵan zań salasyndaǵy aqparattar óte qyzyq boldy. Bastapqyda bizde onyń qanshalyqty shynaıy ekenine senim bolǵan joq, biraq spıkerlerdiń sózderin tyńdaı otyryp, quqyqtyq júıege jasandy ıntellekt tehnologııalaryn engizý kezinde bizge shynymen de jańa retteý tetikteri qajet bolatyny týraly oılana bastadyq. Qazir quqyqtyq júıeler kóp jaǵdaıda artta qalyp otyr jáne jas urpaqqa bolashaq úshin ınnovasııalyq sheshimderdi usynýǵa týra keledi», dedi Makgıll ýnıversıtetiniń (Kanada) stýdenti Endrıý Szıasın Chen.
Garvardty baǵyndyrǵan qarakóz nemese Qazaqstan biliminiń jańa kezeńi
Saıystyń jalpy júlde qory bes mıllıon teńgeden asty. Baıqaý AHQO Soty, «Kazakhstan Bar Association» zań konsýltanttar palatasy jáne «Baker McKenzie» halyqaralyq zań fırmasynyń qoldaýymen ótti. Sondaı-aq konkýrsqa Qazaqstannyń Damý banki, «Unicase», «KP Disputes», «Turkenov Consulting» zań fırmalary jáne advokat Rena Kerimova qoldaý bildirdi.