«Biz naqty áreketterimizben Elbasy maqalasyndaǵy «Týǵan jer» ıdeıasyn qoldaýdy jón kórdik. Bul alleıa – Memleket basshysynyń alǵa qoıǵan maqsattaryn júzege asyrýǵa qosqan úlesimiz, – dedi ýnıversıtet rektory, professor Marat Ibatov. – Bizdiń professorlar bedeldi ǵylymı mektepterdiń negizin qalaýshylar bolyp tabylady, olardyń árqaısysy júzdegen joǵary bilikti mamandardy daıarlap shyǵarǵan, Qazaqstan ındýstrııasyn damytýǵa zor ǵylymı úles qosqan. Ataýly aǵashtar – súıikti qalamyzǵa degen qurmet jáne ýnıversıtetimizdiń aýmaǵyn kógaldandyrýǵa qosqan úlesimiz». Bolashaqta alleıa abattandyrylyp, soqpaq joldar men oryndyqtar ornatylady dep josparlanýda. Aǵashtardyń sany da artady. Ýnıversıtet ujymy bul saıabaq qala turǵyndarynyń kóńilinen shyǵatynyna úmitti.
Mıras ASAN, «Egemen Qazaqstan» Qaraǵandy oblysy