Elordadaǵy «Qazaqstan» ortalyq konsert zalynda «Qazaq eli» serıalynyń kınonusqasy – «Almas qylysh» kórkem fılminiń tusaýkeseri ótti. Aýqymdy tarıhı jobanyń negizgi avtory – QR Prezıdenti N.Nazarbaev.
Elimizdiń televızııa tarıhyndaǵy tuńǵysh tarıhı serıal – «Qazaq eliniń» túsirilim jumystary aıaqtaldy. «Qazaqstan» arnasynan, «31 arnadan» kórsetý týraly kelisim-sharttar jasalyp jatyr. Buıyrtsa jańa jyldan keıin telearnalardan kórsetile bastaıdy. Al, «Almas qylysh» fılmi jalpyultttyq prokatqa 2017 jyldyń qańtar aıynan bastap shyǵady. «Qazaqstan» ortalyq konsert zalynyń ǵımaratynda BAQ ókilderine arnaıy suhbat bergen joba jetekshisi, Qazaqstannyń eńbek sińirgen qaıratkeri, rejısser Rústem Ábdirashev osylaı dedi. Onyń aıtýynsha, «Qazaq eli» - aýqymdy joba. Fılmdi túsirýge 500-ge jýyq adam jumys istegen. 100-den astam akter qatysqan. Akterlerdiń kıimderi Qazaqstan, Reseı, Qytaı elderinde tigilgen. «Biz jobany otandyq tarıhtyń hrestomatııalyq oqýlyqtaryna jaqynyraq negizde jasaýǵa tyrystyq. Árıne, ár tarıhshynyń óz kózqarasy bar. Olar «myna jeri bylaı emes ne ana jerinde qatelik bar» degen sııaqty óz oılaryn aıtýy múmkin. Biraq, bul derekti fılm emes, kórkem fılm degim keledi. Jobaǵa belgili jazýshy I.Esenberlınniń «Almas qylysh» romanyn leıtmotıv etip aldyq. Degenmen tutas kitaptaǵydaı etip jasaǵan joqpyz. О́ıtkeni, bilesizder, «Almas qylysh» keńes úkimeti tusynda jazylǵan kitap. Ol kezde kóp tarıhı derekter joqtyń qasy bolatyn. Biz jańa tarıhı derekterdi de paıdalandyq» – dedi rejısser R.Ábdirashev. «Almas qylysh» – «Qazaq eli» serıalynyń syǵymdalǵan nemese basqasha aıtqanda bir fılmge jınaqtalǵan nusqasy. Fılmniń tusaýkeseri barysynda fılmniń Bas prodıýseri Arman Ásenov kórermenderge osylaı túsindirdi. Al, Mádenıet jáne sport mınıstri Arystanbek Muhamedıuly fılmdi elimiz táýelsizdiginiń 25 jyldyǵyna tartý dep esepteıtinin jetkizdi. Sondaı-aq, fılmge túsken akterlerdiń birqanshasy sahnaǵa shyǵyp, kórermender yqylasyna bólendi. Fılmge HV-shi ǵasyrdaǵy tarıhı oqıǵalar arqaý bolǵan. Áıtse de negizgi maqsat – Qazaq handyǵynyń qurylýyn kórsetý, Alash urandy qazaqtyń buǵaýǵa kónbeıtin arda bolmysyn dáripteý, halqymyzdyń sol zamandaǵy dala demokratııasyna baǵynǵan turmys-tirshiliginen habar berý. Ondaǵan tarıhı iri tulǵalardyń, atap aıtqanda Aq ordanyń bıleýshisi Ábilqaıyr Shaıbanı, Qazaq handyǵynyń negizin salǵan Kereı, Jánibek handar, Moǵolstan bıleýshisi Esen-buǵa, oırattardyń taıshysy О́z-Temir, qazaq sultandary Qasym men Buryndyq, ataqty Asan qaıǵy men Qaztýǵan jyraý t.b beıneleri túrli oqıǵalar tusynda jan-jaqty ashylady. «Almas qylysh» fılminiń ssenarıı avtorlary: Smaǵul Elýbaı, Tımýr Jaqsylyqov jáne Rústem Ábdirashev. Qoıýshy sýretshileri: О́mirzaq Shmanov, Sábıt Qurmanbekov, Edil Núsipov jáne Jannat Baımuqanova. Sondaı-aq, basty rólderge Doshan Joljaqsynov, Erkebulan Daıyrov, Qaırat Kemalov, Aıan О́tepbergen, Bekbolat Tileýhan, Shuǵyla Saparǵalı, Qarlyǵash Muhamedjanova, Arman qoja syndy akterler men aktrısalar tartylǵan. Aıgúl SEIILOVA, «Egemen Qazaqstan»
•
16 Jeltoqsan, 2016
«Almas qylysh» - alash urandy qazaq taǵdyry
1350 ret
kórsetildi