Reseı prezıdenti Vladımır Pýtın Qazaqstan Prezıdentin "Qazaqstan Respýblıkasynyń memlekettik táýelsizdigi týraly" konstıtýsııalyq zańnyń qabyldanýyna 25 jyl tolýyna oraı quttyqtady. Bul týraly Reseı prezıdentiniń resmı saıtynda jarııalandy.
Quttyqtaý jedelhatynda Reseı basshysy Qazaqstannyń shırek ǵasyrda qol jetkizgen jetistikterin joǵary baǵalady. Ol ekonomıkalyq, áleýmettik jáne ǵylymı-tehnıkalyq damýdyń ózekti máselelerin sheshýdegi jetistikter men eldiń álemdik arenadaǵy joǵary abyroıyn atap ótti. Pýtınniń aıtýynsha, muny Qazaqstannyń BUU Qaýipsizdik Keńesiniń 2017-2018 jyldar aralyǵyndaǵy turaqty emes múshesi bolyp tańdalýy aıǵaqtaıdy.
Reseı prezıdenti Eýrazııalyq ekonomıkalyq odaq pen basqa da qurylymdyq kópjaqty áriptestik aıasyndaǵy reseılik-qazaqstandyq baılanys pen koordınasııalyq kúsh salýynyń belsendi damyp jatqanyn atap ótti.
Vladımır Pýtın Reseı men Qazaqstannyń aǵaıyndy halyqtarynyń ıgiligi maqsatynda Ortalyq Azııa men eýrazııalyq keńistiktegi turaqtylyq pen qaýipsizdikti qamtamasyz etý múddesi úshin strategııalyq seriktestik pen odaqtyq qarym-qatynastardyń ary qaraı nyǵaıa túsetinine senim bildirdi.