Qazaqstandyq kásipqoı boksshylar Batyr Júkembaev (7-0, 6KO) pen Abylaıxan Qusaıynov (4-0, 3ko) el Táýelsizdiginiń 25 jyldyǵyna arnap ótkizgen jekpe-jekterinde kezekti jeńisterine qol jetkizdi, dep habarlaıdy QazAqparat.
Boks keshi (Astana ýaqyty boıynsha 17 jeltoqsan) kúni Kanadanyń Kvebek qalasynda ótti.
Batyr Júkembaev óziniń jetinshi kezdesýinde meksıkalyq boksshy - Manýel Marezge qarsy ótkizip, upaı sanymen jeńiske jetse, Abylaıhan Qusaıynov óziniń tórtinshi kezdesýin meksıkalyq Hesýs Pereske qarsy ótkizip, tóreshilerdiń sheshimi boıynsha qarsylasynan basym tústi. Eki boksshy da osyǵan deıin sońǵy jekpe-jegin 23 qazan kúni Leme-Rıos shoýynda ótkizip, qarsylastaryn texnıkalyq nokaýtpen utqan bolatyn. Onda Júkembaev meksıkalyq Ivan Pereırany 5 raýndta, Qusaıynov qarsylasyn 2 raýndta texnıkalyq nokaýtqa túsirgen.