AQSh-tyń jańa saılanǵan prezıdenti Donald Tramp Mıshel Obamanyń saılaý nátıjesinen keıingi AQSh bolashaǵy týraly aıtqan sózderine múldem kelispeıdi. Bul týraly ol 18 jeltoqsanda Alabama shtatynda óz jaqtastarynyń aldynda sóılegen sózinde aıtty, dep habarlaıdy Fox News telearnasy,
"Mıshel Obama endi bolashaqqa úmit joq deıdi. Ol ótken kúnder týraly aıtyp otyrǵan shyǵar. Kerisinshe, men úmittiń baryna, úlken múmkindikterdiń qolymyzda ekenine senimdimin. Bizdiń memleket burynǵydan da uly bolady", - dedi Tramp.
Sonymen qatar ol Mıshel Obama basqa nárse aıtqysy kelgenin, biraq sózderdi oryndy qoldanbaǵany múmkin ekenin de jetkizdi. "Men jaqynda jarym Melanııamen Aq úıde boldym. Prezıdent pen Mıshel Obama bizdi jaqsy qarsy aldy. Men ol dál osy pikirdi ustanbaı, tek oıyn durys jetkize almady dep úmittenemin", dedi Tramp.