Túrkııa prezıdenti Rejep Taıyp Erdoǵan Kaıserıdegi jarylysqa Kúrdistan jumysshylar partııasy jaýapty ekendigin aıtty, dep habarlaıdy RIA Novostı.
"Separatıstik lańkestik uıym (Kúrdistan jumysshylar partııasy) bul jarylysqa jaýapty. Onyń barlyq múmkindikteri bar. Bul terakt Sırııa men Iraktaǵy jaǵdaılardan táýelsiz emes. Túrkııa birneshe lańkestik toptardyń soqqysyna ushyrady", delingen mátinde.
Sonymen qatar Erdoǵan Túrkııa lańkestikke qarsy kúresti toqtatpaıtynyn aıtty.
Esterińizge sala keteıik, keshe áskerıler otyrǵan avtobýstyń qasynda jeńil avtokólik jarylǵan bolatyn. Memlekettiń Bas shtaby eń az degende 13 adam qaza taýyp, 48 adam jaraqat alǵanyn aıtty.
Keshe Túrkııanyń premer-mınıstri Bınalı Iyldyrym jarylysty jankeshti-sodyr uıymdastyrǵanyn aıtty. "Búgin áskerılerdi tasymaldaıtyn avtobýsqa shabýyl jasalyp, jarylysty uıymdastyrýǵa jankeshti-sodyr paıdalanylǵan", delingen Sabah agenttiniń málimetinde.