Fılıppın prezıdenti Rodrıgo Dýterte Vashıngton Manılaǵa qarjylyq kómek kórsetpese, amerıkalyq áskerılerdiń osy elde bolýyna ruqsat beretin kelisimshartty buzatynyn aıtty, dep habarlady Associated Press.
"Biz Amerıkanyń qarajatynsyz ómir súre alamyz. Biraq, bul jaǵdaıda Amerıka Fılıppınnen ketýge daıyndala bersin", - dedi Dýterte. Onyń aıtýynsha, bul kelisim 1998 jyldan beri bar. "Eger sender solaı isteı alsańdar, bizdiń de qolymyzdan keledi", - dedi ol.
Esterińizge sala keteıik, 15 jeltoqsan kúni AQSh Fılıppınge Millennium Challenge Corporation agenttiginiń qyzmeti aıasynda qarjylyq kómek kórsetýden bas tartqan bolatyn. Olar bul sheshimniń sebebin osy eldegi azamattyq bostandyqtyń buzylýymen baılanystyrǵan edi. Sonymen qatar, Dýterte 30 maýsymda óz qyzmetine kiriskennen beri bes myńǵa jýyq adam sottan tys jazalanǵanyn da aldyǵa tartqan bolatyn.