Qazaqstan Táýelsizdiginiń 25 jyldyq merekesi qarsańynda Elordadan «Astana-Qaraǵandy» jáne «Astana-Kókshetaý» baǵyttary boıynsha jaılylyǵy joǵary eki jańa elektrli poıyzdar saparǵa attandy, dep habarlaıdy «Qazaqstan temir joly» UK» AQ baspasóz qyzmeti.
Elektrli poıyzdar álemdik qala mańy standartyna tolyǵymen sáıkes keledi. Sonymen qatar olar Kedendik Odaqtyń tehnıkalyq reglamentine de saı. Jańa quramda jolaýshylarǵa barlyq jaǵdaı jasalǵan: yńǵaıly jumsaq kreslo, passıvti qaýipsiz kresh-júıe, Wi-Fi bazasyndaǵy aqparattyq-oıyn-saýyq portaly (jolaýshylarǵa jalpy aqparatty kórý múmkindigi beriledi, sonymen qatar kóńil kóteretin fılmder men oıyndar) derektemelerdi tirkep otyratyn salondar men tambýrlardyń beınebaqylaý júıesi, qazaq, orys jáne aǵylshyn tilinde jol júrý parametri týraly aqparaty bar «Júgirtpe jol» aqparattyq tablosy jáne taǵy da basqalary. Sonymen qatar múmkindigi shektelgen jolaýshylar vagonǵa otyrý úshin mamandyrylǵan kótergish, qaýipsizdik belbeýmen, jeńil arbany bekitýge arnalǵan qurylǵy jáne jolserikti shaqyrý úshin jeke batyrmasymen qamtamasyz etilgen múgedekter úshin jeke oryndar, múgedek arbasyn jyljytý múmkindigi úshin esigi keń alańy ulǵaıtylǵan ekologııalyq taza dárethana kesheni bar.
Astanadan Qaraǵandyǵa shyqqan elektrli poıyzdyń jol boıynda 3 aıaldamasy bar, olar Vıshnevka, Osakarovka, Qaraǵandy-Suryptaý stansııalary. Astanadan-Kókshetaý elektrli poıyzynyń jolynda 3 aıaldamasy bar, olar Aqkól, Makınka, Kýrort-Býrabaı stansııalary. Elektrli poıyz quramynda 2 vagon birinshi klasty, 2 vagon ekinshi klasty jáne 2 vagon úshinshi klasqa jatady.