Esterińizde bolsa, bıylǵy jyldyń tamyz aıynda 2020 jyly Tokıoda ótetin Olımpıada oıyndarynyń sanatyna Karate-do «WKF» shyǵys jekpe-jegi engizilgen bolatyn. Kópten kúttirip qabyldanǵan osyndaı sheshim men el Táýelsizdiginiń 25 jyldyǵyna oraı Astanada «Úzdik karate» atty semınarlar serııasy uıymdastyryldy.
Aıtýly sharanyń basty qonaǵy retinde KSRO-nyń sport sheberi, qara belbeý ıegeri, WKF karate-do- dan Reseı quramasynyń bas bapkeri Oleg Soı qatysty. M.О́temisuly atyndaǵy jıynda túrli ádis-tásilderdi qoldaný erejeleri kórsetilip, mektep oqýshylarynan belbeý sanaty boıynsha attestasııa qabyldandy.
Karate-do «WKF» jáne dástúrli jekpe-jek túrleri federasııasynyń muryndyq bolýymen ótken semınarda Tokıo Olımpıadasyna úkilep alyp baratyn sportshylardy daıyndaý men atalǵan sport túrin el ishinde keńinennasıhattaý jaıy da talqylandy. Oraıy kelgende Karate-do «WKF» jáne dástúrli jekpe-jek túrleri federasııasynyń prezıdenti Meıramgúl Dýkýeva birqatar maqsat, mindettermen bólisti.
«Búgingi tańda Astanada sporttyń osy túrimen aınalysatyndar sany 600-ge jýyqtaıdy. Olardyń ishinde joǵary jetistikterdi baǵyndyrǵandary da az emes. Ásirese, aǵaıyndy Qabdýllaevtardyń bolashaǵynan zor úmit kútemiz. Máselen, biz jaqynda ǵana Indonezııada ótken Azııa chempıonatynda jaqsy nátıjege qol jetkizdik. Onda aǵaıyndy Qabdýllaevtar «kato», «kýmıte» baǵdarlamasy boıynsha óner kórsetip, úshinshi oryn ıelendi. Budan basqa taǵy eki jetkinshegimiz joǵary ball jınaı aldy. Endi olardy damytý úshin tájirıbe jınaqtap, sheberligimizdi shyńdaýymyz qajet. Búgingideıjıyndy uıymdastyrýdaǵy maqsatymyzdyń negizgi mánisi osy», dedi M.Dýkýeva.
Aıta keteıik, osy kezge deıin Álem chempıony atanǵan Álisher Qabdýllaev Qazaqstannyń eki dúrkin chempıony jáne mektep oqýshylary arasynan shákirt tárbıeleıtin ónegeli ustaz.
Nurlybek DOSYBAI, «Egemen Qazaqstan»