Atyraý qalasynyń ákimdigi jańa jyldyq bezendirý jumystaryna 47 mıllıon teńge bóldi. Bul týraly mgorod.kz habarlady.
Atyraý qalasynyń ákimi Serik Shapkenovtiń aıtýynsha, qarjy jańajyldyq ıllıýmınasııaǵa, gırlıandyǵa, kóshe dekorasııasyna jáne bezendirilýine bólindi.
Qalanyń bas shyrshasy ornatyldy. «Atyraýdy súıemin» degen jazbamen barlyq bes patrıottyq konstrýksııa jaryq shamdarmen kómkerilgen. Bas kóshelerdegi barlyq elektr baǵandaryna merekelik ıllıýmınasııa kórik berip tur. Keı alańdarda jańa jyldyń dekoratıvtik nyshany ornatylǵan. Ortalyq kópir de jarq-jurq etip, ottaı jarqyrap tur.
Aıta keteıik, Ortalyq kópirge jazda «aqyldy jaryqtandyrý» ornatylǵan. Qalada taıaýda «Smart Atyrau» kommýnaldyq kásiporny quryldy. Ol jańa jyldan bastap kóshelerdi jaryqdıodty shammen jaryqtandyryp, «aqyldy qala» jobasyn iske asyrady.