Ulttyq bank tóraǵasy Danııar Aqyshev QR UQK Almaty qalasy boıynsha departamentiniń Biryńǵaı jınaqtaýshy zaınetaqy qoryn (BJZQ) tekserýine oraı túsinik berdi, dep habarlaıdy QazAqparat.
«BJZQ sharýashylyq qyzmetinen óziniń kapıtaly men qarjysyna ıe, Ulttyq banktiń qatysýynsyz ınvestısııalardy óz erkimen júzege asyrady. Qazirgi ýaqytta tekserý júrgizýge Ulttyq bank mamandaryn jumyldyrý úshin QR UQK Almaty qalasy boıysha departamentinen ótinim kelip tústi. Ázirge, tekserý sharalary aıaqtalǵan joq. Atap aıtqanda, Ulttyq bank mamandary osy tekserýge qatysyp jatyr. Osy oraıda tekserý áli de aıaqtalmaǵandyqtan, qandaı da bir pikir aıtý erte dep oılaımyn», - dedi Aqyshev
Májilistegi jalpy otyrys barysynda tilshiler saýalyna jaýap berý kezinde.
Budan buryn habarlanǵandaı, QR UQK Almaty qalasy boıynsha departamenti Biryńǵaı jınaqtaýshy zaınetaqy qory «Býzgýl Aýrým» JShS oblıgasııalaryn satyp alý faktisi boıynsha qylmystyq is qozǵady.