2016 jyly ulttyq ekonomıkanyń negizgi ósý draıveri shaǵyn bıznes boldy. Bul sektordaǵy kiris 45% ulǵaıǵan, belsendi jumys isteıtin kásiporyndar sany 5% kóbeıdi, dep habarlaıdy, ranking.kz.
Bıylǵy jyl ósý qarqyny boıynsha shaǵyn sektordyń absolıýtti basym bolýymen aıaqtalady. 2016 jyly qarasha aıynyń sońynda Qazaqstanda 125 myń shaǵyn kásiporyndar belsendi jumys istegen. Shaǵyn bıznes jańa múshelermen qarqyndy tolyqtyrylyp otyrǵan. Bir jylda jańa kásiporyndar sany birden 21% ósken. Atalǵan ósim iri sektor belsendiliginiń tómendeýimen tuspa-tus keldi.
Bir jylda belsendi iri jáne orta kompanııalar sany 1% qysqarǵan, al jańa kásiporyndardyń ashylýy 39% bir-aq quldyraǵan.
Mamandar Qazaqstandaǵy shaǵyn bıznestiń jyldam damýyna baǵdarlamalar operatory «Damý» qory arqyly memlekettiń kásipkerlikti belsendi túrde nesıeleýi yqpal etkenin atap ótti. Shaǵyn jáne orta bızneske memlekettik qoldaý bildirýdiń negizgi quraly - nesıelik mólsherlemeni sýbsıdııalaý. 2010 jyldan búginge deıin kásipkerler úshin nesıe mólsherlemesin sýbsıdııalaý boıynsha 1,6 trıllıon teńge somasyna 8,3 myń joba maquldandy.
Sýbsıdııalardyń jalpy kólemi 135 mıllıard teńgeni qurady. Bıylǵy qańtar-qyrkúıek aılarynda tólengen sýbsıdııalar 21,8 mıllıard teńge somasyna nemese barlyq 2015 jyl deńgeıiniń 82% quraıdy. Nesıeleý anaǵurlym arzan bola tústi jáne bankter bızneske arnalǵan nesıelik ónimder satylymynyń ótken jylǵy deńgeımen salystyrǵanda 54% óskenin anyqtady.
2016 jyldyń qańtar-qyrkúıek aılarynda QR barlyq shaǵyn kásiporyndary birlesip shamamen 15 trıllıon teńge kiris tapty. Bir jyldyq túsim 45% ulǵaıdy. Bul kezeńde iri jáne orta kásiporyndar paıda tabý qarqynyn 18% ǵana ulǵaıta aldy.
Bıylǵy 9 aıdyń qorytyndysy boıynsha, kishi kásiporyndar 1,4 trıllıon teńge kóleminde nemese ótken jyldan 4,5 ese kóp tabys tapty. Sektordaǵy óndiris tıimdiligi 2015 jyly 3% kórsetse, bıyl 10% jetken.