Qazaqstan Respýblıkasy Ulttyq Banki Tóraǵasynyń orynbasary Oleg Smolıakov "Qazınvestbank" AQ-ty banktik jáne ózge de operasııalardy jáne baǵaly qaǵazdar naryǵyndaǵy qyzmetti júzege asyrýǵa berilgen lısenzııadan aıyrýǵa baılanysty túsinikteme berdi, - dep habarlaıdy banktiń baspasóz qyzmeti.
Aıtýlarynsha, birinshi kezekte, bul kredıtteý kezinde táýekelderdi baǵalaý men basqarý boıynsha álsiz ishki saıasat pen rásimder. Mundaı qyzmet sapaly kepildermen qamtamasyz etilmegen nesıe portfeli kredıttik táýekelderiniń qarqyndy ósýine ákeldi. Atap aıtqanda, kepilder negizinen naqty aktıvtermen emes, bolashaqta túsetin aqshamen jáne múlikpen usynylǵan. Bul banktiń portfelindegi osyndaı qaryzdardyń úlesi 80 paıyzdan astam quraıdy. Sonymen birge 50 paıyz qaryz boıynsha qaryz alýshylarǵa jeńildikti talaptar berý faktileri qaryzdy óteý boıynsha jeńildikti kezeń usyný, sol sııaqty óteý merzimderin jappaı uzartý túrinde baıqalǵan.
Sonymen qatar, kredıttik táýekelderdi basqarý jónindegi ishki rásimderdegi kemshilikter ornyqsyz qarjylyq jaǵdaıy, mysaly, teris menshikti kapıtaly, jınaqtalǵan shyǵyndardyń joǵary mólsheri bar qaryz alýshylardy, beriletin kredıtterdiń somalaryna sáıkes kelmeıtin bıznesti júrgizý kiristeri men aýqymdary bar qaryz alýshylardy kredıtteýge múmkindik bergeni aıtylady.
"Banktiń nesıe portfeliniń jartysynan astamyn quraǵan qaryzdardy iriktep taldaý nátıjelerine negizdelgen eń tómen baǵalaý boıynsha, provızııalardy (rezervterdi) qosymsha qalyptastyrý boıynsha áleýetti shyǵyndar 30 mlrd. teńgeden astam quraıdy, olardy birjolǵy taný 20,6 mlrd. teńge mólsherindegi teris kapıtaldyń týyndaýyna ákeledi", - delingen habarlamada.
Ekinshiden, bankti lısenzııadan aıyrý týraly sheshim qabyldanǵan sátte korrespondenttik shottardaǵy jáne kassadaǵy aqsha qaldyǵy 1,9 mıllıard teńge bolǵany aıtylady. Al sol sátte keıinge qaldyrylǵan tólemder somasy shamamen 20 mıllıard teńge bolypty.
Nátıjesinde bank 2016 jylǵy 14 jeltoqsannan bastap tólemderdiń oryndalmaý faktilerine jol bergen. Barlyǵy 230 mıllıon teńgeden astam somaǵa 50-den astam tólem qujaty oryndalmaǵan.
Budan basqa, Ulttyq Bank Banktiń qyzmetin qadaǵalaý sheńberinde uzaq ýaqyt boıy Bank menedjmentimen jáne onyń aksıonerlerimen ashyq suhbat júrgizip, Bank kapıtalynyń qabyldanǵan táýekelderge barabar bolmaýy jáne ótimdiliktiń tómen kórsetkishteri jaǵdaılarynda Bankke qarjylyq qoldaýdy qamtamasyz etýdegi shuǵyl qajettilikti belgiledi. Soǵan qaramastan, Bankti barabar qaıta kapıtaldandyrý ýaqtyly júzege asyrylǵan joq, al Ulttyq Banktiń kredıtteýdiń ishki saıasatyn jáne rásimderin ózgertý boıynsha talaptary ýaqtyly oryndalmaǵan.
Ulttyq Bank Basqarmasy nesıe portfeliniń joǵary kredıttik táýekelderi jáne Banktiń menedjmentimen jáne aksıonerlerimen suhbat júrgizýdiń syndarly nátıjeleriniń bolmaýy faktilerin nazarǵa ala otyryp, bankti lısenzııasynan aıyrý jáne Bankke ýaqytsha ákimshilikti engizý týraly sheshim qabyldady.
"Bank aýqymynyń shamaly ekendigin atap ótken mańyzdy, Banktiń bank júıesiniń aktıvteri men mindettemeleri boıynsha úlesi nebári shamamen 0,7 paıyzdy quraıdy. Ulttyq Bank jeke tulǵa salymshylarǵa teńgemen jáne shetel valıýtasymen depozıtterdiń, tólem kartochkalaryndaǵy jáne bank shottaryndaǵy aqshanyń Qazaqstannyń depozıtterge kepildik berý qorynyń (budan ári - QDKQ) kepildigimen qorǵalǵanyn taǵy da eske salady, ıaǵnı sot bankti májbúrlep taratý týraly odan ári sheshim qabyldaǵan jaǵdaıda QDKQ jeke tulǵa salymshylarǵa kepildikti ótemaqy tólemderin júzege asyrady.
Kepildiktiń eń joǵary shegi mynadaı:
- teńgemen depozıtter boıynsha - 10 mıllıon teńgege deıin;
- shetel valıýtasymen depozıtter boıynsha - 5 mıllıon teńgege deıin.
О́temaqynyń áleýetti somasy 768 mln. teńgeni quraıdy. QDKQ-nyń kepildikti ótemaqyny tóleýge arnalǵan qarajaty 500 mlrd. teńge bolady. Iаǵnı salymshylardyń barlyq depozıtteri kepildik beriletin soma sheginde tolyq kólemde qanaǵattandyrylady", - delingen baspasóz habarlamasynda.