Almatyda ishki ister departamentine avtokólikter kiltin tabys etý rásimi ótti, dep habarlaıdy QazAqparat.
«О́tken jylmen salystyrǵanda bıyl quqyq qorǵaý organdarynyń materıaldyq-tehnıkalyq jabdyqtaýyna qarajat eki ese kóp jumsaldy. Kelesi jyly IID bıýdjeti taǵy 25% ósip, 17 mlrd teńgeni quraıdy. О́tken jyly 97 dana jańa qyzmettik avtokólik satyp alynsa, bıyl Ýnıversıadaǵa daıyndyq aıasynda qala bıýdjeti esebinen taǵy 118 dana avtokólik, gazben júretin orta klastyq avtobýs alyndy», – dedi Almaty ákimi Baýyrjan Baıbek.
Onyń aıtýynsha, 2017 jyly 2 mlrd teńgege gazben júretin qosymsha 250 kólik alynady. Osylaısha, IID avtoparki tolyq jasaqtalady, bul mekeme jumysynyń shapshańdyǵyna yqpal etedi.
Búgin mekeme ókilderine 118 avtokóliktiń kilti tabys etildi: 107 Kia Cerato jeńil kóligi, 5 PAZ-32053 avtobýsy jáne 6 dana GAZ-2705 arnaıy tehnıkasy. Atalǵan kólikter jergilikti bıýdjet esebinen alyndy. Kólikterdiń Qazaqstanda qurastyrylǵanyn da atap ótken jón.
«Sybaılas jemqorlyq qaýpin azaıtý úshin jergili polısııa qyzmetkerleriniń teń jartysy beınetirkeýishpen qamtamasyz etiledi. Sonymen birge, kelesi jyly parkter, saıabaqtar, alańdarǵa beınekameralar ornatý jáne IID jedel basqarý ortalyǵyn jańartý jobasy bastalady», – dep túıindedi ákim.