Aqmola oblysyndaǵy quramynda etti qaıta óńdeý kesheni bar jańa bordaqylaý alańy óziniń alǵashqy ónimin astanalyq bazarlarǵa jetkize bastady. Kásiporynnyń endigi josparynda kórshiles Qytaı eline de etti eksportqa shyǵarý máselesi tur. Bul joba «QazAgro» ulttyq holdınginiń 10 jyldyǵy jáne Qazaqstan Táýelsizdiginiń 25 jyldyǵy qarsańynda iske asyryldy.
Aqmola oblysynyń Ereımentaý aýdanynda 3000 basqa arnalǵan bordaqylaý alańyn jáne jylyna 5000 tonna etti óńdep, odan ónimder shyǵara alatyn kásiporyndy uıymdastyrýǵa arnalǵan jalpy quny 1,5 mlrd teńge turatyn bul jobany «QazAgro» ulttyq holdınginiń quramyndaǵy «QazAgroQarjy» AQ qarjylaı qoldaýymen «Jańa-Bereke» sharýa qojalyǵy iske asyrdy. Onyń dırektory Aıbek Qazybekovtiń aıtýynsha, kásiporyn óndiristiń tolyq sıkly boıynsha jumys isteı alady. Iаǵnı, sharýa qojalyǵyndaǵy nemese oǵan kelip túsken mal etke ótkiziler aldynda bordaqylaý alańynda kútimge alynyp, semirtiledi de, odan keıin óndiristik negizde soıylyp, et óńdeý keshenine jóneltiledi. Bul sıkldyq júıe onda ázirlengen et ónimderin Qazaqstannyń saýda jelilerine jóneltip qana qoımaı, veterınarlyq turǵydan neǵurlym qatań talaptar qoıylatyn shetel naryqtaryna shyǵarýǵa da múmkindik beredi. Osy úshin kásiporyn halyqaralyq standarttarǵa sáıkestik sertıfıkatyna ıe bolyp otyr.
Sharýashylyqtaǵy básekege qabiletti ónim jasaýǵa múmkindik beretin óndiristiń negizi shalǵaıdaǵy mal sharýashylyǵy bolyp tabylady. Sharýashylyqta baǵylatyn qazaqtyń aqbas jáne qalmaq tuqymdy sıyrlary jergilikti jaǵdaılarǵa jaqsy beıimdelgendigimen erekshelenedi. Mundaǵy iri qara mal qorada qamalyp ustalmaıdy. Jarty jyl boıy jaılaýda jáne tabıǵı jaıylymdarda baǵyla otyryp, balaýsa shópterdi molynan paıdalanady.
«Jańa-Bereke» ShQ basshysy óz sózinde «QazAgro» ulttyq holdınginiń quramyndaǵy damý ınstıtýttary «QazAgroQarjy» AQ, «Agrarlyq nesıe korporasııasy» AQ, «QazAgroMarketıng» AQ bul jobanyń júzege asýyna úlken kómek kórsetkendigin atap ótti. Qazybekovtiń aıtýynsha, solardyń kórsetken qoldaýynyń arqasynda jeńildikti nesıe alýǵa, lızıngtik jabdyqtar men aýylsharýashylyq tehnıkalaryn satyp alýǵa, sondaı-aq, memlekettik sýbsıdııany der kezinde paıdalanýǵa qol jetkizilgen.
Aıtsa aıtqandaı, sharýashylyq 1364 bas iri qara malyn Qazaqstan men Reseıdiń asyl tuqymdy sharýashylyqtarynan «QazAgroQarjy» AQ bólgen qarajat esebinen satyp alypty. Búgingi tańda sharýashylyqtaǵy iri qara sany onyń jeke malymen qosa eseptegende 2 127 basqa jetip otyr.
«Jańa-Bereke» ShQ jobany turaqty negizde damytý úshin óz qarajatyn da jumsady. Maldardy zertteý jáne veterınarlyq, sanıtarlyq talaptardy saqtaý úshin qajetti arnaýly jabdyqtar, vaksınalar, dári-dármekter men dárýmender, maldyń tuqymyn jaqsartý men olardy jergilikti jaǵdaıǵa beıimdeý úshin qajetti zattar satyp alyndy. Maldardy baǵyp-kútý úshin Qazaqstannyń barlyq jerlerinen mamandar irikteldi. Tipti, alystaǵy Belorýssııadan mamandar tartyldy.
Aýylda sharýashylyqtyń mamandaryna arnalyp 5 turǵyn úı salyndy. Jalpy, atalǵan jobany iske asyrý maýsymdyq jumysqa táýeldi emes 50-den astam turaqty jańa jumys ornyn qurýǵa yqpalyn tıgizdi.
Suńǵat ÁLIPBAI,
«Egemen Qazaqstan»