Qasym-Jomart Toqaevtyń tóraǵalyq etýimen bolǵan Parlament Senatynyń otyrysynda birqatar zań jobalary qaraldy jáne ótip bara jatqan mereıli jyl qorytyndylandy, - dep habarlaıdy Qazaqstan Respýblıkasy Parlamenti Senatynyń Baspasóz qyzmeti.
Tóraǵa jýyrda Parlament qabyldaǵan asa mańyzdy saıası-quqyqtyq qujat - el Táýelsizdiginiń 25 jyldyǵy Deklarasııasynda Qazaqstannyń qol jetkizgen jetistikteri men jeńisteri aıshyqtalǵanyn, táýelsiz Qazaqstandy qurýǵa jáne qalyptastyrýǵa eren eńbek sińirgen Qazaqstan Respýblıkasynyń Prezıdenti - Elbasy Nursultan Ábishuly Nazarbaevtyń kemeńgerlik qyzmetine tarıhı baǵa berilgenin erekshe atap ótti.
Zań shyǵarý jumystaryn qorytyndylaǵan Q.Toqaev Senat Parlament fýnksııasyn atqarǵan kezeńde joǵarǵy Palata Úkimetpen tyǵyz baılanysta jumys júrgize otyryp, 57 zańdy ýaqytyly qabyldaǵanyn ári óziniń konstıtýsııalyq ókilettigin abyroımen atqarǵanyn eske saldy. Ústimizdegi jyly Parlament qabyldaǵan júzden asa zań "100 naqty qadam" Ult josparyn, sondaı-aq elimizdiń áleýmettik-ekonomıkalyq órleýin kózdeıtin strategııalyq baǵdarlamalardy iske asyrýdyń zańnamalyq negizin tolyq qalyptastyrdy.
Senat Tóraǵasy Palata ótkizgen birqatar mańyzdy is-sharalarǵa da toqtaldy. "Eýrazııalyq ekonomıkalyq odaq pen Dúnıejúzilik saýda uıymy jaǵdaıynda otandyq agrarlyq sektordyń básekege qabilettiligin arttyrý, jol qozǵalysy salasyn quqyqtyq retteý jáne elimizdegi bıologııalyq alýantúrliliktiń saqtalýyn zańnamalyq qamtamasyz etý máselelerine arnalǵan parlamenttik tyńdaýlarda qoǵamda oryn alyp otyrǵan ótkir máseleler talqylanyp, tıisti memlekettik organdarǵa naqty nusqaýlar berildi", - dedi Qasym-Jomart Toqaev.
2016 jyly senatorlar elimizdiń syrtqy saıası bastamalaryn qoldaý jáne shet memleketterdiń parlamentterimen yntymaqtastyǵyn tereńdetý jóninde eleýli jumystardy júzege asyrdy. "Palatanyń bastamasymen álem elderi parlamentteri men din ókilderiniń, sondaı-aq tanymal saıasatkerlerdiń qatysýymen "Dinder terrorızmge qarsy» halyqaralyq konferensııasy oıdaǵydaı ótkizildi. Elbasynyń "Álem. XXI ǵasyr" tarıhı manıfesiniń mańyzy men ıadrolyq qarýsyz álem qurý máselelerin talqylaýǵa arnalǵan Senattyń uıymdastyrýymen ótken aýqymdy halyqaralyq konferensııa Qazaqstannyń jahandyq beıbitshilik pen qaýipsizdikti nyǵaıtý jónindegi bastamalarynyń ózektiligin aıshyqtaı tústi", - dedi ol.
Senattyń aldaǵy jumystary týraly aıta kelip, Toqaev el táýelsizdigimizdiń 25 jyldyǵyna arnalǵan saltanatty jıyndaǵy Prezıdenttiń sózinde memleket damýynyń jańa satysyna kóshý jaǵdaıynda Parlament pen Úkimettiń jaýapkershiligin kúsheıtý máselesin kún tártibine qoıylǵanyn eske saldy. Tóraǵa: "Aldaǵy ýaqytta, osy mańyzdy másele jan-jaqty tereń zerdelenip, tıisti zańdarǵa ózgerister engizý boıynsha usynystar ázirlenetin bolady. Senatorlar memlekettik basqarý júıesin odan ári jańǵyrtýdy kózdeıtin mańyzdy zań jobalarymen jumysty kásibı turǵydan asqan jaýapkershilikpen júrgizetinine men kámil senemin", - dedi.
Condaı-aq, Q.Toqaev qańtardyń 4-i men 13-i aralyǵynda depýtattardyń óńirlerge sapary josparlanyp otyrǵanyn jetkizdi. "О́tkiziletin kezdesýler barysynda Parlament qabyldaǵan zańdardy halyqqa jan-jaqty nasıhattaý jumysyn júrgizý qajet. Qabyldanǵan jańa zańdardyń erejelerine, ásirese, áleýmettik sala, densaýlyq saqtaý, qarjy, salyq, turǵyn úı jáne terrorızmge qarsy is-qımyl máselelerine basa nazar aýdarǵan jón", - dedi ol.
Toqaev áriptesterin birlesip atqarǵan jumystary úshin alǵysyn bildirip, kele jatqan Jańa jylmen quttyqtady.
Otyrys barysynda senatorlar Qazaqstan men Iran arasyndaǵy sottalǵan adamdardy berý týraly kelisimdi ratıfıkasııalady.
2016 jyly 11 sáýirde Tegeranda qol qoıylǵan Kelisim Iran Islam Respýblıkasynyń sottary bas bostandyǵynan aıyrýǵa sottaǵan Qazaqstan Respýblıkasynyń azamattaryn jáne Qazaqstan Respýblıkasynyń sottary bas bostandyǵynan aıyrýǵa sottaǵan Iran Islam Respýblıkasynyń azamattaryn odan ári jazasyn ózderi azamaty bolyp tabylatyn memlekette óteý úshin berý máselelerin retteıdi.
Palata Qazaqstan men Slovenııa arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııany jáne oǵan Hattamany ratıfıkasııalady.
Konvensııanyń maqsaty ınvestısııalar úshin qolaıly jaǵdaı jasaý arqyly Qazaqstan Respýblıkasy men Slovenııa Respýblıkasy arasyndaǵy ekonomıkalyq yntymaqtastyqty nyǵaıtý jáne keńeıtý bolyp tabylady.
Konvensııa ekijaqty halyqaralyq shart bolyp tabylady jáne qosarlanǵan salyq salýdy boldyrmaý maqsatynda jasalǵan. Ýaǵdalasýshy memleketterdiń árqaısysy salyq tóleýshige bir ret birinde ǵana salyq tóleý múmkindigin qamtamasyz etedi. Ekinshi memleket tólengen salyq somasyn esepke alady nemese salyq salynatyn jıyntyq tabystan ekinshi memlekette salyq salynǵan tabystyń bóligi shegeriledi.
Sonymen qatar, otyrysta "Jaıylymdar týraly" zań jobasy birinshi oqylymda qaralyp, maquldandy.
Zań jobasy jaıylymdardy utymdy paıdalanýǵa baılanysty qoǵamdyq qatynastardy retteıdi. Qujattyń erejeleri jergilikti turǵyndardyń malyn jaıýǵa arnalǵan jaıylymdar jónindegi qajettilikterin qamtamasyz etýge, ondaǵy ınfraqurylym nysandarynyń jaǵdaıyn jaqsartýǵa, jaıylymdyq jerlerdi tozdyrmaýǵa baılanysty sharalardy júzege asyrýǵa baǵyttalǵan. Otyrysta "Qazaqstan Respýblıkasynyń keıbir zańnamalyq aktilerine jaıylymdardy paıdalaný máseleleri boıynsha ózgerister men tolyqtyrýlar engizý týraly" ilespe zań jobasy birinshi oqylymda maquldandy.
Jobaǵa sáıkes Jer, Orman, Sý kodeksterine, sondaı-aq "Erekshe qorǵalatyn tabıǵı aýmaqtar týraly» jáne "Qazaqstan Respýblıkasyndaǵy jergilikti memlekettik jáne ózin-ózi basqarý týraly" zańdarǵa ózgerister engiziledi. Atap aıtqanda, orman, sý qorlarynyń jáne erekshe qorǵalatyn tabıǵı aýmaqtardyń jerlerine shóp shabý men mal baǵý uǵymdaryn retteıtin qoldanystaǵy zańdardyń erejeleri odan ári jetildiriletin bolady. Jergilikti ózin-ózi basqarý týraly zańnamaǵa engiziletin ózgerister ishinde jaıylymdardy basqarý jáne paıdalaný máselelerin talqylaý men sheshim qabyldaýǵa azamattardy tartý týraly máseleler qamtylǵan.