Mańǵystaý oblysynda «Qarajanbasmunaı» kompanııasynyń birqatar qyzmetkeri oblys ákimdigi aldyna jınalyp, Prezıdentke beıneúndeý joldady. Buǵan olardyń eńbek jaǵdaıyna qatysty narazylyǵy sebep bolǵan, dep habarlaıdy Egemen.kz.
lada.kz-tiń jazýynsha jumysshylar birneshe jyldan beri kompanııada eńbek etip kele jatqanymen, resmı túrde shtatqa qabyldanbaǵan. Sol sebepti negizgi qyzmetkerlermen birdeı jumys atqarsa da, eńbek sharttary men áleýmettik kepildikteri teń emes.
Qyzmetkerler bastapqyda aýtsorsıng arqyly jumysqa alynǵanyn, keıin shtatqa ótkizemiz degen ýáde berilgenin aıtady. Alaıda bul másele áli kúnge deıin sheshimin tappaǵan.
Mańǵystaýda janarmaı beketinde jarylys bolyp, jumysshyny kúıik shaldy
Osyǵan baılanysty ujym Memleket basshysynyń atyna beıneúndeý ázirlep, óz máselelerine nazar aýdarýdy surady. Negizgi talap – olardy kompanııa shtatyna zańdy túrde qabyldaý máselesin túbegeıli sheshý.