Qyzylorda oblysynda túıe urlaǵan er adamǵa qatysty sot úkimi shyqty. Aral aýdandyq soty ony kináli dep tanyp, 5 jylǵa bas bostandyǵynan aıyrdy, dep habarlaıdy Egemen.kz.
Is materıaldaryna sáıkes, buǵan deıin múlikke qatysty aýyr qylmys úshin sottalǵan azamat qaıtadan zań buzǵan. Ol bótenniń múlkin ıemdený maqsatynda qorshaýdan asyp ótip, turǵyn úı aýlasyna zańsyz kirip, túıeni urlap ketken.
Qylmys saldarynan mal ıesine 800 myń teńge kóleminde materıaldyq shyǵyn keltirilgen.
Pavlodar oblysynda mal urlyǵymen aınalysqan qylmystyq top ustaldy
Tergeý men sot barysynda aıyptalýshynyń kinási tolyq dáleldendi. Onyń ishinde kúdiktiniń óz moıyndaýy, jábirlenýshiniń jáne kýágerlerdiń jaýaptary, sondaı-aq jınalǵan dálelder negizge alyndy.
Sot er adamdy Qylmystyq kodekstiń 188-1-baby 3-bóligi 2-tarmaǵy boıynsha kináli dep tanyp, 5 jyl merzimge bas bostandyǵynan aıyrý jazasyn taǵaıyndady.