Astanada jańajyl kúnderi 40-qa jýyq jol-kólik apaty boldy, dep habarlaıdy elordalyq IID baspasóz qyzmeti.
Jańa jyl toılaý merziminde aýyr qylmys jasalmady. Elordada 1 500-den astam polısııa qyzmetkeri, 200-den astam qyzmettik avtokólik qoǵamdyq tártipti kúzetti. Kóshelerde patrýldik qyzmet kúsheıtilip, polısııanyń ýchaskelik ınspektorlary belgilengen ákimshilik aýmaq boıynsha óz qyzmetterin atqardy.
Halyq kóp serýendeıtin oryndardaǵy qaýipsizdikti qamtamasyz etý úshin táýlik boıy kezekshilik uıymdastyryldy. Polısııa bólimshelerinde oqıǵa oryndaryna ýaqytyly jetý úshin qosymsha tergeý-jedel toptary quryldy. Jańa jyl kúnderi polısııaǵa negizinen spırttik ishimdikterdi kóp paıdalanǵannan jáne otbasylyq túsinispeýshilikterden bolǵan kelispeýshilikter týraly qońyraýlar kelip túsken. Ondaı habarlamalar sany 180-ge jetken. Aıtylǵan oryndarǵa qosymsha qurylǵan toptar baryp, ákimshilik jáne aldyn alý sharalaryn qoldandy.
40-qa jýyq jol-kólik oqıǵalary tirkelip, saldarynan 5 adam túrli dene jaraqatyn aldy. 31 jeltoqsan jáne 4 qańtar aralyǵynda qalalyq ishki ister departamentiniń jeke quramy kúsheıtilgen túrde qyzmet etedi.