Qazaqstandyq iri bankter teńgemen salynǵan depozıtterdiń paıyzdyq ústemesin tómendetip jatyr, dep habarlaıdy Qazaqstandyq depozıtti saqtandyrý qory.
Qordyń jeke tulǵalardyń salymdary úshin kepildendirilgen tıimdi ústemeni 14 paıyz deńgeıinde belgileý týraly sheshiminen keıin kóptegen bankter ózderiniń paıyzdyq ústemesin tómendete bastady. Osylaısha, ortasha eseppen depozıttiń ústemesi 2-29 paıyz aralyǵynda azaıdy.
Kaspi bank 2017 jyldyń 1 qańtarynan bastap teńgemen salymdardyń ústemesin azaıtty. Banktiń málimetinshe, depozıttiń ústemesi bıyldan bastap 14 paıyzdan 11,4 paıyzdǵa azaıdy. Al dollarmen salynǵan depozıt bıylǵa deıin 2 paıyz bolsa, bıyldan bastap 1,5 paıyzǵa azaıtyldy.
Eýrazııalyq bank óziniń paıyzdyq ústemesin 1 paıyzǵa tómendetti. "Máselen, TURBO Deposit boıynsha salynǵan qarajat jylyna buryn 15 paıyzben ósetin bolsa, bıyldan bastap 14 paıyzben kóbeımek. Al qalǵan nomınaldy ústeme 14 paıyzdan 13 paıyzǵa qysqartyldy", - dep habarlaıdy banktiń call-ortalyǵy.
Qazkom banki da 1 qańtardan bastap "Úzdik" depozıtteriniń ústemesin 14-ten 13,2 paıyzǵa azaıtty. Al jyldyq tıimdi ústeme 14-9 paıyzdan 14 paıyzǵa tústi.
SentrKredıt banki bul úrdiske jeltoqsannyń 26-synda kóshken. "Chempıon" depozıtiniń 18 aılyq ústemesi 147-ten 12 paıyzǵa tústi. Al jyldyq tıimdi ústemesi 14,8 paıyzdan 12,7 paıyzǵa azaıdy.
Halyq bankiniń "Halyqtyq - standartty" depozıtine teńgemen salynǵan qarjy jylyna buryn 12,5 paıyzben ósse, endi bul kórsetkish bar bolǵany 10-aq paıyzdy quraıdy.