Qazaqstan Respýblıkasyndaǵy AQSh elshisi Djordj Krol qyzmetinen ketpeıdi. Bul aqparatty Qazaqstandaǵy AQSh elshiliginiń baspasóz qyzmetti jarııa etti.
The New York Times basylymy 2017 jyldyń 5 qańtarynda taratqan aqparatyna súıensek, AQSh-tyń ár eldegi elshileri 20 qańtarǵa deıin qyzmetterinen ketýi kerek. Bul júıe AQSh-tyń úkimeti aýysqan kezde ornap otyrady. Alaıda, tártipke saı, saıası taǵaıyndalǵan elshiler ǵana qyzmetinen ketýge mindetti. Al kadrlyq elshi-dıplomattar qyzmetterinde qalady.
«Saıası taǵaıyndalǵan elshiler Qurama shtattarynyń syrtqy dıplomatııalyq qyzmetiniń múshesi emes. Bul sanattaǵy elshiler AQSh-tyń búkil álemdegi elshileriniń úshten birin quraıdy. Al qalǵandary AQSh kadrlyq dıplomatııalyq syrtqy saıasatynyń músheleri. Qazaqstandaǵy AQSh elshisi Djordj Krol kadrlyq elshi bolyp sanalady, sondyqtan ol 20 qańtarǵa deıin de, keıin de qyzmetin jalǵastyra beredi» dep habarlady AQSh elshiliginiń baspasóz qyzmeti.