1-2 aqpan kúnderi Qyzylorda oblysyna Iran Islam Respýblıkasy (IIR) Mazandaran provınsııasy gýbernatorynyń orynbasary Iýnesı Rostamı Alıreza Alıdjan jáne QR Iran Islam Respýblıkasyndaǵy Tótenshe jáne О́kiletti Elshisi Baǵdad Ámireev bastaǵan delegasııa eki kúndik jumys saparymen boldy. Sapar maqsaty – ekonomıka jáne ınvestısııa salalaryndaǵy yntymaqtastyq, sondaı-aq, birlesken bıznes josparlarǵa qatysý.
1 aqpan kúni delegasııa músheleri shyny zaýytynyń qurylys alańyn kórdi, «Abzal jáne K», «Smart Rabber», «Jan-Araı Jem» kásiporyndarynyń jumysymen tanysty. Qyzylorda oblysynyń ákimi Qyrymbek Kósherbaev delegattarmen kezdesip, óńirdiń ınvestısııalyq áleýeti men yntymaqtastyqtyń perspektıvti baǵyttary týraly aıtyp berdi. Máselen, ınvestorlardy qus ósirý, mal jáne egin sharýashylyǵy, jylyjaılar salý, óndeý ónerkásibi jáne t.b. jobalar men Qyzylorda oblysyna Iran balyǵyn, sıtrýstyq, basqa da jemis-jıdek túrlerin eksporttaý qyzyqtyrýy múmkin.
Sondaı-aq, osy kúni oblys ákimdiginiń sıtýasııalyq ortalyǵynda Iran delegasııasy men qyzylordalyq kásipkerlerdiń qatysýymen jıyn ótti. 2 aqpan kúni qonaqtar Qyzylorda oblysynyń óńirlik kásipkerler palatasynyń jumysymen tanysyp, bıznes qoǵamdastyqpen V2V formatynda kezdesý ótkizdi. Jańaqorǵan jáne Shıeli aýdandarynda bolyp, aýdan ákimderiniń jıyndaryna qatysty.