Parıj qalasyna jaqyn Nýazı-le-Gran kommýnasynda joıqyn jarylys boldy. Bul týraly lenta.ru habarlady.
Le Parisien basylymynyń málimeti boıynsha oqys oqıǵa jergilikti ýaqyt boıynsha saǵat 22:30 (03:30 Ast.) shamasynda bolǵan. Pavılon aýmaǵynda aldymen bir gaz balony, artynsha birnesheýi jarylǵan. Osydan keıin bul oryn tolyǵymen qyzyl jalynǵa oranǵan. Qutqarýshylar denesin kúıik shalǵan 45 jastaǵy er adamdy alyp shyqqan.
Mirror basylymy bes adamnyń jaraqat alǵanyn, bir adamnyń aýyr jaǵdaıda aýrýhanaǵa jetkizilgenin jazdy. О́rt sóndirý qyzmetiniń basshysy Gııom Fress (Guillaume Fresse) qos jarylystan keıin úılerdiń biri otqa oranǵanyn málimdedi. Aldyn ala málimetter boıynsha tórt adam qaza tapty. Qyzyl jalyndy sóndirý úshin 30-ǵa jýyq qyzmetker jumyldyrylǵan.
Sonymen qatar, 30 qańtar kúni Fransııa astanasynyń syrt jaǵynda hosh ıistendirgish qaǵaz shyǵaratyn fabrıka órtengen. Saldarynan alty adam zardap shekti.