Pavlodar qalasynda bıyl jańadan ashylǵan №47 orta mektebinde «Adaldyq alańy: zań jáne tártip» aılyǵy ótti. Is-sharanyń basty maqsaty – bilim alýshylardyń quqyqtyq saýattylyǵyn arttyrý, zańǵa qurmet sezimin qalyptastyrý jáne tártip pen jaýapkershiliktiń mańyzyn túsindirý.
Aılyq barysynda túrli mazmundaǵy is-sharalar uıymdastyryldy. Atap aıtqanda, «Mamandyqtar marafony», «Eńbegi adal jas óren» atty respýblıkalyq joba aıasynda mektebimizdiń ónerli ustazdary men 9-11 synyp oqýshylary arasynda konkýrs ótti. Konkýrs barysynda qatysýshylar ózderi tańdaǵan mamandyqtary boıynsha shyǵarmashylyq jumystaryn tanystyryp, ustazdarynyń jetekshiligimen túrli baǵytta sheberlikterin kórsetti. Oqýshylar mamandyqtyń qyr-syryn zerttep, onyń qoǵamdaǵy mańyzyn dáleldeıtin jobalar qorǵady.
Pavlodarda alǵash ret kózdiń qasań qabyǵy transplantasııalandy
«Mıras» jobasy aıasynda «Tártipke baǵynǵan-elge qyzmet etedi» taqyrybynda quqyq qorǵaý organdary qyzmetkerlerimen kezdesý ótkizilip, oqýshylarǵa zań talaptary men jasóspirimderdiń jaýapkershiligi týraly túsindirme jumystary júrgizildi. Sonymen qatar «Mektep jarǵysy - bilim berý uıymyndaǵy tártiptiń negizi», «Zań jáne tártip», «Quqyqtyq mádenıet – zaman talaby» taqyryptarynda ashyq tárbıe saǵattary, pikirtalastar men dóńgelek ústelder uıymdastyryldy. Oqýshylar arasynda jasóspirimder ortasyndaǵy nashaqorlyqpen kúres boıynsha plakattar jáne býkletter baıqaýlary ótkizilip, «Qoǵamdyq múlikti qorǵa!» taqyrybynda 5-11 synyp oqýshylary arasynda chellendjder uıymdastyryldy. Belsendi qatysqan bilim alýshylar arnaıy marapattarǵa ıe boldy.
Pavlodar: energetıka qýaty artyp keledi
Bul is-sharalar jas urpaqtyń boıynda adaldyq, ádildik, jaýapkershilik sııaqty qundylyqtardy nyǵaıtýǵa yqpal etetini sózsiz. Aılyq aıasynda mektepishilik túsindirý jumystary júrgizilip, ishki tártip erejeleri taǵy bir márte tanystyryldy. Oqýshylarǵa quqyq buzýshylyqtyń aldyn alý, býllıng pen kıberbýllıngtiń zııany týraly naqty mysaldar keltirilip, senim jáshigi men senim telefondary týraly aqparat berildi.
Qorytyndylaı aıtsaq, «Adaldyq alańy: zań jáne tártip» aılyǵy jas urpaqtyń quqyqtyq sanasyn qalyptastyrýǵa, qoǵam aldyndaǵy jaýapkershiligin arttyrýǵa baǵyttalǵan mańyzdy bastama boldy. Zańǵa qurmet - bul ár azamattyń mindeti. Adaldyq pen tártip saltanat qurǵan bilim ordasynda ǵana ádiletti qoǵam qalyptasady.
Gúlmıra ÁBDIMBETOVA,
№47 orta mektebi dırektorynyń tárbıe jónindegi orynbasary
Pavlodar qalasy