Úkimettiń keńeıtilgen otyrysynda Prezıdent Nursultan Nazarbaev Ulttyq Banktiń tóraǵasy Danııar Aqyshevty tolyqtaı qoldaıtynyn bildirdi.
«О́tken jyl óte aýyr bolǵanyna qaramastan, Ulttyq Bank jaqsy jumys istedi. Endi banktiń múmkindikterin zań arqyly kúsheıtýdi tapsyryp otyrmyn. Osyndaı quqyq berý kerek. Ulttyq Banktiń jumysyna kıligýdi eldiń qarjy salasyna kıligý dep sanap jazalaý kerek. Kórip otyrmyn, Ulttyq Bank tártipke keltirgen saıyn Ulttyq Banktiń tóraǵasyna shabýyl kúsheıip jatyr. Muny osy zalda otyrǵan aksıonerler men demeýshiler jasaýda» dedi Nursultan Nazarbaev. Ol retke keltirýge kedergi jasaýshylarǵa shara qoldanylatynyn aıtty.
Al Aqyshevqa «Eshkimnen qoryqpa. Eshkimnen. Kim de kim kedergi jasaıtyn bolsa, maǵan famılııasyn aıt» dedi.
Budan burynyraqta Ulttyq Bank Danııar Aqyshevtyń ustalǵany týraly sybys taratýǵa baılanysty quqyq qorǵaý organdaryna aryzdanatynyn habarlaǵan bolatyn.