Memleket basshysy Nursultan Nazarbaev memlekettik qyzmettegi bos oryndardy alyp tastap, bul oryndardyń qarajatyn qyzmetkerler arasynda bólip berýdi usyndy, - dep habarlaıdy Tengrinews.kz.
"Qazir bizdegi memlekettik qyzmette qansha bos orynnyń baryn kim biledi? 100 myńǵa taıaý, olardyń 18 myńy bos oryndar. Osy 18 myńdy túgel qysqartýdy aıtyp otyrǵan joqpyn. Shyn máninde sol oryndardyń ishinde paıdasy joqtary da bar shyǵar. Múmkindiginshe qysqartyp, jalaqyny qaldyrý kerek. Ákimderge, mınıstrlerge jaqsy jumys isteıtin qyzmetkerlerdiń arasynda úlestirýge ruqsat berilsin", - dedi Prezıdent úkimet otyrysynda.
Nazarbaevtyń aıtýynsha, bul shara jemqorlyqpen kúreste sátti jol bolady.
Bes ınstıtýsıonaldyq reformalarda memlekettik qyzmetkerlerdiń tabysyna áli jetken joqpyz. Ál-aýqat jaqsarǵan soń ǵana jalaqyny kóteremiz. Jaqsartqan soń, jalaqyny ósiremiz. Mundaǵy maqsat memlekettik qyzmetkerlerdiń jalaqysyn bızneske jaqyndatý", - dedi Memleket basshysy.