2015-2019 jyldarǵa arnalǵan Qazaqstannyń ındýstrıaldy-ınnovasııalyq damýy memlekettik baǵdarlamasy aıasynda josparlanǵan 12 jobanyń alǵashqysy Jambyl oblysynda iske qosyldy, dep habarlaıdy «QazAqparat».
Búgin Baızaq aýdany Qyzyl Juldyz aýylynda «S.P. «Rolla-Iаn» JShS makaron sehynyń jańǵyrtylǵan avtomatty jelisi arqyly «S.P. «Rolla-Iаn» JShS-nyń DL-650X uzyn kespesin óndirý bastaldy. Jobanyń quny 285 mln teńgeni quraıdy, qýaty jylyna 9 myń tonna ónim shyǵarýǵa qaýqarly. Jańa óndiristiń iske qosylýyna oraı, jergilikti turǵyndardyń 60-qa jýyǵy turaqty jumyspen qamtamasyz etildi.
Bul ónim eksportqa baǵdarlanǵan. Elimizdiń ishinde de, Reseı men Qytaı naryǵynda da taralady dep josparlanýda.
«Búgin ındýstrıalızasııa baǵdarlamasynyń aıasynda «S.P. «Rolla-Iаn» JShS-nyń - «Makaron sehyn jańǵyrtý, kespe shyǵarý boıynsha avtomatty jelisi» atty jobany ashyp jatyrmyz, - dedi jobanyń ashylýynda oblys ákiminiń orynbasary Tımýr Janke.
«XINJFANG XINYA MECHAN - ELESTRO EQUIPMENT SO.LTD» Qytaı fırmasynyń ınnovasııalyq jelisiniń qurylǵysy men montajy basqa kompanııalar arasyndaǵy básekege qabilettiligin arttyryp, Qazaqstan Respýblıkasynyń DSU-ǵa kirýine múmkindik beredi».