Tanymal reseılik reper Tımatı urlanyp, keıinnen Petropavlda tabylyp aıyp turaǵyna qoıylǵan avtomobıline qatysty túsinikteme berdi.
Eske sala ketsek, taıaýda BAQ-tarda reseılik juldyzǵa tıesili bolǵan avtokólik aıyp turaǵynda tot basyp jatqany týraly maqala jarııalandy.
Petropavlda turǵaly 10 jyl ótken mashınany satyp alýǵa nıet bildirgender sany kóp bolǵanymen Audi TT áli turaqtan ketpegen.
«Kóp jyldan beri araǵa bir-eki jyl salyp osyndaı maqalalar jarııalanyp turady. Men oǵan mán berip jatpaıtynmyn, alaıda oǵan qatysty sózimdi aıtaıyn. Shyndyǵynda shamamen 14-15 jyl buryn osy kólik meniki bolǵan. Jaýapsyzdyǵymnyń saldarynan (aýlada 4 aı qar basyp jatty) mashına qoldy boldy. Men eshkimge kiná artpaımyn jáne osy oqıǵanyń mańyzy joq. Qudaıǵa shúkir, óz mamandyǵym boıynsha jumys isteımin jáne qazirgi tańda ózime qajetti kez kelgen kólikti satyp ala alamyn. Osyǵan baılanysty jergilikti BAQ-tardan bul taqyrypty qazbalaı bermeýin suraımyn, - dep jazdy ánshi Instagramdaǵy paraqshasynda. - Men kólikten bas tartýǵa qatysty kez kelgen qujatqa qol qoıýǵa daıynmyn. Petropavldaǵy aıyp turaǵynyń basshysynan dereý kólikti satýdy uıymdastyrýdy, odan túsken qarjyny qalalaryńyzdaǵy balalar úıi nemese hospıske berýdi suraımyn. Bizdiń baspasóz keńsemizben taıaý arada baılanysqa shyǵýlaryńyzdy ótinemin. Qazaqstandaǵy ókilimiz mámileniń taza ári zańdy oryndalýyna kómektesedi. Rahmet».