Bıyl Aqtóbe oblysynyń áleýmettik salasyna 110 mlrd teńgeden astam qarjy bólindi. Bul týraly «Aqtóbe aqparat» ortalyǵynda ótken baspasóz maslıhatynda oblystyq ekonomıka jáne bıýdjettik josparlaý basqarmasynyń basshysy Rýzııa Aıdasheva málimdedi, dep jazady strategy2050.kz.
2016 jyldyń qorytyndysy boıynsha ónerkásip óniminiń kólemi 1 202,7 mlrd. teńgeni qurady. Sonyń ishinde, oblystyń óndeý ónerkásibi Respýblıka boıynsha birinshi orynǵa shyqty.
«Aýylsharýashylyǵynyń jalpy ónim kólemi 184,8 mlrd. teńgemen respýblıka boynsha 3-shi orynda. Investısııalar kólemi 373,7 mlrd.teńge. Qurylys jumystarynyń kólemi 136,3 mlrd. teńge qurady. Qarjylandyrýdyń barlyq kózderinen 616,6 myń sh.m turǵyn úı paıdalanýǵa berildi, bul 2015 jyldyń deńgeıine115,0%. Al ShOB qyzmet etetin sýbektilerdiń sany 50,8 myń birlikti qurap, el boıynsha oblys 2-shi orynda, - atap ótti basqarma basshysy.
2016 jyly MJÁ (memlekettik jeke áriptestik) aıasynda 7 joba boıynsha kelisim-sharttar jasalyndy, 2017 jyly qosymsha MJÁ-tiń 12 jobasyn iske asyrý josparda. Aldaǵy ýaqytta, oblystyń ár aýdanynda MJÁ-tiń keminde 2-3 jobasyn iske asyrý josparlanýda..
Áleýmettik salaǵa bıyl 111,8 mlrd. teńge qarastyrylǵan, onyń ishinde bilim berýge 67,2 mlrd. teńge, densaýlyq saqtaýǵa 28,6 mlrd. teńge.
Jergilikti bıýdjet esebinen árqaısysy 100 oryndy Qarǵaly aýdanynyń Álimbet aýylynda, Alǵa aýdanynyń Qaraqudyq aýylynda, Mártók aýdanynyń Aqqaıyn aýylynda 3 mekteptiń qurylysy aıaqtaldy.
«Nurly jol» Memlekettik baǵdarlamasy aıasynda 2016 jyly ınvestısııa kólemi 18,0 mlrd. teńgege 65 joba júzege asyrylýda. Onyń 17,9 mlrd. teńgesi nemese 99,2% ıgerildi.