Oblystyq máslıhattyń kezekten tys HII sessııasynda Prezıdent Ákimshiliginiń Basshysy Ádilbek Jaqsybekov Elbasynyń oblys ákiminiń laýazymyna Qumar Aqsaqalovtyń kandıdatýrasyn usynǵany týraly hatyn oqyp berdi. Halyq qalaýlylary Memleket basshysynyń usynysyn biraýyzdan qoldady.
Budan keıin Ákimshilik Basshysy jańa aımaq basshysyn aktıv jınalysynda tanystyryp, jemisti eńbegi úshin Erik Sultanovqa alǵys aıtty.
Al Q.Aqsaqalov ózine kórsetilgen úlken senim údesinen kórinip, adal qyzmet etýge bar kúsh-jigerin jumsaıtynyn jetkizdi.
E.Sultanov óz kezeginde úsh jylǵa jýyq eńbek etken ýaqyt ishinde ózine qoldaý kórsetken soltústikqazaqstandyqtyrǵa rızashylyǵyn bildirdi.
Á.Jaqsybekov óńirdiń áleýmettik-ekonomıkalyq damýy baǵyty boıynsha birqatar jumystardyń atqarylǵanyn tilge tıek ete otyryp, Joldaýdan týyndaıtyn irgeli mindetterge aktıv nazaryn aýdardy. Prezıdent Qazaqstan jurtshylyǵy aldyna bes negizgi basymdyqty eńserý talaptaryn qoıǵanyn aıta kelip, ekonomıkanyń jedeldetilgen tehnologııalyq jańǵyrtylýy, agrarlyq sektor, shaǵyn jáne orta bıznes salalary boıynsha úılesimdi is-áreket, belsendi qımyl jasaýǵa shaqyrdy.
О́mir ESQALI,
«Egemen Qazaqstan»
Soltústik Qazaqstan oblysy