О́zgerister oń baǵalandy

Taıaýda Venesııa qala­synda Eýropa Keńesiniń «Quqyq arqyly demokratııa úshin» Eýropalyq komıssııasynyń (Ve­nesııa Komıssııasy) 110-jalpy sessııasy ótti. Sessııanyń kún tár­­tibine «Qazaqstan Res­­pýb­lıkasynyń Kons­tı­týsııasyna ózge­rister men tolyq­ty­rýlar engizý týraly» Qazaqstan Respýblı­ka­sy­nyń Zańy boıynsha Komıssııanyń qory­tyn­dysyn jarııalaý týraly másele engizildi. Sessııa jumysyna Qazaq­stan Respýblıkasy Prezı­dentiniń Ákimshiligi Basshy­synyń orynbasary T.Dona­qov, Konstıtýsııalyq Keńes­tiń tóraǵasy I.Rogov jáne Qa­zaqstan zańgerleri odaǵynyń tóraǵasy R.Muqashev qatysty. Atalǵan qorytyndynyń jobasyn daıyndaý úshin Komıssııa Armenııanyń, Bol­garııanyń, Grý­zııanyń, Latvııanyń, Reseı­diń já­ne Túrkııanyń tanymal maman­daryn shaqyrdy. Sarap­shy­lardyń, Komıssııa múshe­leriniń jáne Qazaqstan ókil­deri­niń pikirin tyńdaý ná­tı­jesinde Komıssııa Qazaq­stan­daǵy konstıtýsııalyq ózge­rister memleketti demokratııa­landyrý prosesindegi alǵa basylǵan qadam dep atap ótilgen tujyrymdamany qa­byldady. Bul reforma eldiń odan ári damýynyń oń ba­ǵytyn kórsetip, naqty prog­resti dáleldeıdi. Komıssııanyń pikiri bo­ıynsha, Parlamenttiń jáne Parlament palatalarynyń rólin kóterý, respýblıka Pre­zıdentiniń keıbir fýnksııa­laryn Úkimetke berý, onyń Parlamentke esep berýi já­ne baqylaýynda bolýy tetik­terin kúsheıtý oń ózgeris bolyp tabylady jáne budan bu­ryn, 1998, 2007 jyldary ótki­zilgen konstıtýsııalyq refor­malardyń baǵytyna saı keledi. Oǵan qosa, Komıssııa «Ákim­shilik rásimder týraly» Qa­zaqstan Respýblıkasy Zańy­nyń jobasy boıynsha da qory­tyndy berip, Qazaqstan Res­pýblıkasy Sýdıalyq ádep kodek­siniń jobasy boıynsha iske qanaǵattanýshylyq bil­dirdi, dep habarlady Kons­tı­tý­sııalyq Keńestiń bas­pasóz qyzmeti.