Almaty Halyqaralyq áýejaıynan birqatar reısterdiń ushýy keshiktirildi, dep habarlaıdy «QazAqparat» HAA áýejaıdyń baspasóz qyzmetine silteme jasaı otyryp.
«14-15 naýryz kúngi saǵat 08:00 jaǵdaı boıynsha Halyqaralyq Almaty áýejaıynda «Skat» ÁK-nyń DV781 Almaty-Qaraǵandy (Qaraǵandy qalasyndaǵy meteo jaǵdaıǵa baılanysty), «Skat» ÁK-nyń DV737 Almaty-Petropavl (ushaqtyń keshigip kelýi) jáne «Eır Astana» ÁK-nyń KC401 Almaty-Kıev (tehnıkalyq sebepterge baılanysty) baǵyttary boıynsha reısti oryndaıtyn ushaqtar keshigip jóneltildi», – delingen habarlamada.
Aıta keteıik, áýejaı málimeti boıynsha birde bir reıstiń ushýy toqtatylǵan joq. Qazirgi ýaqytta Halykaralyq Almaty áýejaıynda áýe kemesin qabyldaýǵa jáne ushyp shyǵarýǵa shekteý joq.