"Problemalyq nesıeler qory" AQ-nan bólinetin qarjy BTA bankiniń portfelin Qazkomnan bólip alýǵa jumsalady, dep málimdedi búgin Ulttyq bank tóraǵasynyń orynbasary Oleg Smolıakov.
«Qazkom qaryzynyń shamamen 50 paıyzy BTA-ǵa tıesili. 2015 jyly Qazkom banki men BTA arasynda jasalǵan aktıvter men mindettemelerdi bólisý týraly kelisimniń nátıjesinde Qazkomnyń moınyna BTA qaryzy ilindi. Ondaǵy maqsat BTA bankiniń aktıvine uzaqmerzimdi ınvestısııa tartý edi. Endi Problemalyq nesıeler qory Qazkomnyń moınyndaǵy atalǵan qaryzdy bólip alý úshin qarjy bóledi. Osy qarajatqa PNQ (Problemaly nesıeler qory) Qazkomnyń BTA-ǵa uzaq merzimge bergen aktıvteri, atap aıtar bolsaq, jer telimderi, kommersııalyq jyljymaıtyn múlikter men ózge de aktıvterdi satyp alady", - dedi Oleg Smolıakov.
Onyń aıtýynsha, aldaǵy ýaqytta BTA aktıvteri zańgerlik jáne qarjylyq qaterlerden tazartylmaq.
"Biz bul jumystardy jeke sektordaǵy memlekettik-jeke menshik áriptestik aıasynda qolǵa alyp otyrmyz. Jáne de qazirgi tańda bank ıeliginde bos turǵan jerlerdi aınalymǵa engizý úshin ınvestor izdestiretin bolamyz. Bul turǵyda PNQ qarjysy Qazkomǵa tikeleı beriledi dep túsinbeý kerek", - dedi Oleg Smolıakov.