"QazAvtoО́nerkásip" kompanııasynyń málimetinshe, aqpan aıynda resmı dılerler 2567 kólik satqan. Bul qańtar aıymen salystyrǵanda 12,2 paıyzǵa artyq. Degenmen, 2016 jyldyń aqpanymen salystyrǵanda 26,1 paıyzǵa kem.
Eń kóp suranysqa ıe kólikterdiń kósh basyn aqpan aıynda Lada bastady. Bir aıda bul kóliktiń 467-si satylsa, ekinshi oryndaǵy Toyota kóliginiń 465-i satylǵan. Al úshinshi oryndaǵy Renault kóliginiń 238-i satyldy. Sonymen qatar úzdik bestikte Ravon (159) men Hyundai (154) bar.
Bulardan bólek úzdik ondyqqa Volkswagen (152), GAZ (150), KIA (136), Nissan (91) jáne UAZ (87) kólikteri kirdi.
Markalar boıynsha eń joǵary suranysqa ıe kólik Toyota Camry (186 dana). Ekinshi jáne úshinshi orynda tıisinshe, Lada Largus (164) jáne Lada 4x4 (135). Bestiktiń qatarynda bulardan bólek Ravon Nexia (126) men Volkswagen Polo (118) bar.
Jańa kólik satyp alý boıynsha aqpan aıynda Almaty qalasy (730 kólik) kósh basyna shyqty. Ekinshi oryndaǵy Astana qalasynda 501 kólik satylsa, Qostanaıda 175 jańa kólik satylǵan. Odan keıingi oryndarda Qaraǵandy (149), Shymkent (131), Aqtaý (119), Oral (101), Aqtóbe (96) jáne О́skemen (93) qalalary.