Búginde ınnovasııalyq damýdyń qarqyny kóp jaǵdaıda sıfrlyq jelilerdiń ınfraqurylymyna baılanysty. Bul týraly Beıbitshilik jáne kelisim saraıynda ótip jatqan XI Innovasııalyq forýmda Aqparat jáne kommýnıkasııa mınıstri Dáýren Abaev aıtty.
"Máselen, uıaly baılanys abonetteriniń sany jaǵynan biz 5-shi orynǵa kóterilsek, ǵalamtordy paıdalaný boıynsha álem elderi ishinde 61-shi orynǵa shyqtyq. Al spýtnıktik baılanys barlyq terrıtorııany qamtıdy. О́tken jyly Qazaqstan ozyq aqparattyq texnologııalardy damytý jaǵynan TMD elderin artqa tastap, 40-shy orynǵa kóterildi. "Elektrondy úkimetti" damytý boıynsha biz úzdik 30-dyqqa kiremiz. Alaıda ýaqyt bir jerde turmaıdy. Ony bárimiz jaqsy bilemiz. Sondyqtan bizdiń mınıstrlik "Sıfrlyq Qazaqstan" atty jańa baǵdarlany daıarlap jatyr. Onyń ishinde el ekonomıkasyn "ınnovasııalyq relske" qoıý máselesi de bar", - deıdi D. Abaev.
Onyń aıtýynsha, jańa baǵdarlamada shalǵaı jatqan aýyldardy ǵalamtormen qamtamasyz etý sharalary qarastyrylǵan. Budan bólek, baǵdarlama aıasynda tyń ınnovasııalyq jobalar qolǵa alynady.
"Búginde ınnovasııalyq ekonomıkany damytý eldiń básekege qabilettiligin, azamattardyń ómir sapasyn arttyrýdyń mańyzdy faktoryna aınalǵany belgili. Osy turǵyda elimizde "Qazaqstan - 2050" strategııasy men "100 naqty qadam" Ult jospary aıasynda ǵylymı-texnıkalyq jáne ınnovasııalyq júıelerdi nyǵaıtýǵa jol salatyn irgeli bastamalar júzege asýda. О́z kezeginde aqparat jáne kommýnıkasııalar mınıstrligi osy baǵyttaǵy mindetterdi iske asyrý sheńberinde "elektrondy úkimetti" damytý men "Sıfrlyq Qazaqstan" baǵdarlamasyn ázirleý boıynsha jumystardy qolǵa alýda", - dep atap kórsetti D. Abaev.