Qazaqstanda tirkelgen 18 092 úkimettik emes uıymdardyń 40 paıyzy Almaty qalasynda ornalasqan. Bul týraly Astanada ótip jatqan VII Qazaqstannyń Azamattyq forýmynda sóz alǵan Premer-mınıstrdiń orynbasary Imanǵalı Tasmaǵambetov málimdedi.
Kúnniń ekinshi jartysynda jalǵasyn tapqan atalmysh forýmda arnaıy baıandama jasaǵan Premer-mınıstrdiń orynbasary Imanǵalı Tasmaǵambetov 40 paıyzdyq kórsetkish Qazaqstandaǵy ÚEU qyzmetiniń úılestirýdi minsiz etip kórsete almaıtyndyǵyn atady.
– Búgingi tańda bizdiń elimizdegi ÚEU sanynyń naqtysy 18 092 bolsa, olardyń ishinde belsendi jumys júrgizetini 8 307. Bul árıne tómen kórsetkish. Al endi sol jumys isteý damyǵan 5 aımaqty Astana, Almaty qalasy men Aqtóbe, Jambyl jáne Ońtústik Qazaqstan oblysy quraıdy, – dedi Imanǵalı Nurǵalıuly.
Premer-mınıstrdiń aıtýynsha, joǵaryda atalǵan ÚEU elimizdiń 27 myń azamatyn turaqty jumyspen qamtyp otyr.
– Olardyń qurylymy bizdiń azamattardy kóbinese tolǵandyratyn problemalardy sıpattaıdy. Bul turǵyda biz úkimettik emes sektorlardy qýaty men qabileti jaǵynan eldegi oń ózgeristerdiń qozǵaýshy kúshi bola alatyn nıettester qaýymdastyǵy dep bilemiz – dedi ol.
Nurlybek Dosybaı,
"Egemen Qazaqstan".