QR Premer-Mınıstri Baqytjan Saǵyntaev jyl sońyna deıin AО́K damytý baǵdarlamasy boıynsha ázirlik jumystaryn aıaqtaýdy tapsyrdy.
QR Premer-Mınıstri Baqytjan Saǵyntaev Úkimet otyrysynda mınıstrler kabınetine 2017-2021 jyldarǵa arnalǵan jańa AО́K damytý memlekettik baǵdarlamasy boıynsha ázirlik jumystaryn aıaqtaýdy tapsyrdy.
Premer-Mınıstr baǵdarlama jobasy túrli alańdarda, sonyń ishinde aımaqtarda, Aýyl sharýashylyǵy mınıstrliginiń alqasy aıasynda jáne QR Parlamenti Májilisinde talqylanǵanyn atap ótti. Sonymen qatar, Úkimettiń jyl sońyna deıin ony múddeli taraptarmen taǵy da talqylap, bekitýge ýaqyty bar.
«Aıtylǵan eskertýler men usynystardy nazarǵa ala otyryp, baǵdarlama jobasyn maquldaýdy jáne jyl sońyna deıin memlekettik organdarmen, ákimdiktermen, bıznes qaýymdastyqtarmen kelisilgen soń bekitýge shyǵarýdy usynamyn. Kelesi jyly biz jańa baǵdarlama boıynsha jumys isteýdi bastaýymyz kerek»,– dedi B.Saǵyntaev.
Arnur Asqar,
«Egemen Qazaqstan»