Aldaǵy kúnderi «ALMEKS» holdıngtik toby eýropalyq «Staay Food Group» (Gollandııa) kompanııasymen birlesip, aýyl sharýashylyǵy salasyna mamandanǵan «Astana Fresh» atty ortaq kásiporyn ashady. Osylaısha gollandııalyqtar Qazaqstannyń agroónerkásip keshenderine ınvestısııa quıýǵa sheshim qabyldady. Bul týraly Almaty qalasy kásipkerler palatasynyń baspasóz qyzmeti habarlady.
«ALMEKS» aksıonerlik qoǵamy – elimizdegi iri qarjylyq holdıng. «Qazaqstan Halyq banki» AQ arqyly bul top ujymdyq jáne jeke klıentterge Qazaqstan, Reseı, Qyrǵyzstan, Grýzııa sııaqty elderde bank qyzmetin, al óz elimizde saqtandyrý qyzmetin usynyp júr.
Qazirgi kúnderi «ALMEKS» holdıngi men gollandııalyq «Staay Food Group» kompanııasy yntymaqtastyq týraly memorandýmǵa qol qoıdy. Endigi jerde Qazaqstannyń agroónerkásiptik kesheni men tamaq ónerkásibindegi jobalardy damytýǵa kúsh salady.
Alǵashqy kezeńde eki tarap birigip, Qazaqstan men jaqyn kórshilerimizden jemis-jıdek pen kókónis tasymaldaıtyn júıe qurý arqyly otandyq fermerlermen aradaǵy yntymaqtastyqty nyǵaıtpaq. Bul bastamanyń jylyjaı men ashyq topyraqta jemis-jıdek jáne kókónis ósiretin otandyq aýylsharýashylyq ónimderin óndirýshilerge kómegi kóp bolady dep kútilýde.
Eki tarap ta «Astana Fresh» kompanııasy fermerler men aýylsharýashylyq ónimderin tutynatyn iri kompanııalardyń arasyn jalǵaıtynyna senedi.
pen «Staay Food Group» kompanııalary naryqty zertteı kele, keleshekte ortaq jylyjaı keshenderin, kóterme-bólshek saýda ortalyqtaryn salýdy, «Staay Food Group» tájirıbesine, bilimi men jańa tehnologııasyna súıene otyryp jańa pisken jemis pen kókónisti óńdeıtin kásiporyndar ashýdy kózdeýde.
Eki taraptyń da qazaqstandyq joǵary bilim berý mekemelerimen áriptestik ornatýǵa talpynysy baıqalady, olar aýylsharýashylyq ónimderi men tamaq ónimderin óndirý salalary boıynsha bilikti mamandar daıarlap, otandyq bilim ordalarynyń ǵylymı-zertteý áleýetin tájirıbe júzinde paıdalanýǵa peıil tanytyp otyr.
«ALMEKS» pen «Staay Food Group» kompanııasy qazaqstandyq fermerlermen qoıyn-qoltyq jumys istese is nátıjeli bolady dep esepteıdi.
Aınash ESALI,
«Egemen Qazaqstan»
ALMATY