Búgingi tańda «Qazaqstan Respýblıkasy», «Qazaq eli», «qazaq halqy» degen ataýlar búkil álemge tanys. Munyń barlyǵy Elbasy Nursultan Ábishuly Nazarbaevtyń eren erligi men kóregen saıasatynyń arqasy. Qazaq halqyn bolashaqtyń dańǵyl jolyna bastap, bıik belesterge jetelegen de Elbasymyz.
Elbasynyń Táýelsizdik jolyndaǵy taǵy da bir tarıhı erligi sol – alasapyran jyldary tarydaı shashyraǵan qazaqtyń basyn qosyp, atamekenine, Otanyna shaqyrýy. Tuńǵysh Prezıdentimiz Nursultan Nazarbaev Qazaq radıosy arqyly «Alystaǵy aǵaıynǵa aq tilek» joldap, osy aqjoltaı habardy qysyltaıań, qıyn sátterde tórtkúl dúnıeniń tórt buryshyna jaıylǵan qandastarymyzdyń qulaǵyna óz daýysymen tereń tebirene jetkizgen edi. Ile-shala 1992 jyldyń 28 qyrkúıegi men 5 qazany aralyǵynda sol kezdegi astanamyz Almaty qalasynda álem qazaqtarynyń tuńǵysh quryltaıy ótip, onda Dúnıejúzi qazaqtarynyń qaýymdastyǵy quryldy. Azattyqtyń arqasynda tarıhı Otanynyń topyraǵyna tabandary tıip, álemniń alty qurlyǵynan atajurtqa, osy Quryltaıǵa jınalǵan aǵaıyn qaýymdastyqqa tóraǵa etip Táýelsiz Qazaq eliniń Tuńǵysh Prezıdenti Nursultan Ábishuly Nazarbaevty bir aýyzdan saılady.
Elbasy Jarlyǵymen Kóshi-qon departamenti qurylyp, 1993 jyldan bastap alys-jaqyn shetelderden Qazaqstanǵa qonys aýdarǵysy keletin etnıkalyq qazaqtarǵa kvota belgilenip, kóshi-qon memlekettik saıasat deńgeıine kóterildi. Munyń bári – halqynyń qamyn, ultynyń jarqyn bolashaǵy men kemel keleshegin oılaǵan, memleketiniń mártebesin asqaqtatqan kóregen Elbasynyń Altaı men Atyraý, Arqa men Alataý arasyndaǵy ulan-ǵaıyr aıbyndy Alash dalasyn qazaqqa toltyrsam degen asqaq armanyna degen úlken umtylys edi. Bul armany oryndalyp, áli kúnge deıin Qytaı, Túrkııa, Iran, Monǵolııa, О́zbekstan, Aýǵanstan sııaqty kóptegen elderden qandastarymyz atamekenine oralýda. Bir el, bir halyq bolyp búkil qazaq halqy birigip, jańa, táýelsiz Qazaqstanymyzdyń kórkeıýi úshin óz úlesterin qosyp, baryn saldy. Elimizdiń demografııalyq ahýalyna da, salt-sanasy men ádet-ǵurpynyń jańǵyrýyna jáne mádenı salasy men oqý-aǵartý baǵyttaryna qosqan súbeli eńbekteri óz aldyna bir bólek áńgime.
Elbasy qazaqtardyń Dúnıejúzilik quryltaıyn ótkizip turýdy úrdiske aınaldyrdy. Quryltaıda shetelde turatyn qazaq ókilderin Qazaqstannyń joǵary oqý oryndarynda oqytý úshin jaǵdaı jasaý, sondaı-aq tarıhı Otanyna ınvestısııalar ornalastyrý múmkindikteri, bıznes baılanysyn nyǵaıtý, elimizdiń árbir órkendep damyǵan, jetken jemisti jetistikteri men baǵyndyrǵan bıik belesterinen shette júrgen qandastarymyzdyń tolyqtaı aqparat alýyna yqpal etý, kásipkerliktiń damý jaǵdaıy, memleket pen bıznes-qoǵamdastyqtardyń ózara qarym-qatynasy sekildi máseleler qaralady.
Mine, Elbasy súbeli úles qosyp, ózi tóraǵalyq etken qazaqtardyń Dúnıejúzilik quryltaıyna 24 jyl, Táýelsizdigimizge 25 jyl, alǵashqy taban tiregen kóshke de 24 jyl toldy. Osy alǵashqy kóshpen bizdiń de atamekenge oralǵanymyzǵa 24 jyldan asyp barady. Biz otbasymyzben atamekenge kóship kelip, məýeli bəıterekteı jaıqalyp ósip-óndik. Qazirgi tańda elimizdiń gúldenýine óz úlesimizdi qosyp kelemiz. Əkem О́mirtaı óz mamandyǵy boıynsha ustazdyq qyzmetin osynda jalǵastyryp, on jeti jyldan keıin zeınetkerlikke shyqty. Anamyz Zeınelhan jeke kásipkerlikpen aınalysty. Qazirgi tańda ekeýi de zeınetkerlikte. Otbasynda on balamyz. Ərqaısymyz ər salada eńbek etip el ıgiligine óz septigimizdi tıgizýdemiz. Əýletimizde ustaz da, dáriger de, zańger men ekonomıst te, kásipker de, jýrnalıst te, sýretshi de bar. Bizdiń osyndaı jarqyn bolashaqqa qol jetkizýimiz Elbasynyń arqasy, Táýelsizdiktiń ıgiligi men jemisi dep bilemiz.
Munyń barlyǵy shette júrgen qandas baýyrlaryna, qazaǵyna tartý etken baǵa jetpes syıy men baqyty desek, artyq aıtqanymyz emes. Táýelsizdiktiń tətti uǵymy men bostandyq saıasynda ósken ózimdi baqytty sezinemin. Ǵasyrǵa bergisiz 25 jyldyń ishinde qazaq degen ultty, halyqty, Qazaqstan atty eldi BUU quramyndaǵy barlyq memleketter moıyndap, táýelsizdigin tanydy.
Eliniń qamyn oılap, tatýlyǵy men birligin jarastyryp júrgen Elbasyna tek qana alǵys aıtamyz. Eliniń alǵysyna bólenip, aq batasyn alǵan Elbasymyzdyń mereıi asqaq, elimizdiń mártebesi bıik bolsyn, aǵaıyn!
Anııa О́MIRTAI
Almaty oblysy,
О́tegen batyr kenti