Ázerbaıjannyń Shekı shaharynda ótken TÚRKSOI Turaqty Keńesiniń 34-shi otyrysynda Qazaqstannyń Túrkistan qalasyn Túrki áleminiń 2017 jylǵy mádenı astanasy etip bekitý týraly sheshim qabyldandy.
Atalmysh jıynǵa TÚRKSOI-ǵa múshe elderdiń mádenıet qaıratkerleri, sondaı-aq Túrki Keńesi, Túrkitildes memleketter Parlamenttik Assambleıasy, Halyqaralyq Túrki Akademııasy, Túrki mádenı mıras qory
sekildi halyqaralyq uıymdardyń ókilderi qatysty.
Jıynda Qazaqstannyń Túrkistan qalasyn 2017 jyly Túrki áleminiń mádenı astanasy etip bekitý jóninde sheshim qabyldandy. Turaqty Keńestiń 35-shi otyrysynyń úılestirýshisi bolý Qazaqstan Respýblıkasynyń mádenıet jáne sport mınıstrligine júktelip, onyń otyrysy 2017 jyldyń sońyna qaraı Túrkistanda ótetin bolyp belgilendi.
Buǵan qosa, Ázerbaıjan Mádenıet jáne týrızm mınıstrliginiń usynysymen TÚRKSOI uıymyna múshe elderde 2017 jyl «Molla Panah Vagıfty eske alý jyly» dep jarııalandy.