Elimizdiń bolashaǵy, damýy, órkendeýi otbasynyń berekesi men birligine tikeleı baılanysty. Aspanynda beıbit kúni jarqyraǵan Otanymyzdyń tiregi – baqytty otbasy. Otbasy – bereke-birliktiń qaınar kózi. Teginde, ár otbasynyń aırandaı uıyǵan tatýlyǵy, bile-bilsek, bizdi el etip, eldik sanany qalyptastyryp otyr.
Mine, Qazaqstan Respýblıkasy Táýelsizdiginiń 25 jyldyǵyna oraı «Uly Dala eli – Táýelsizdiktiń 25 negizi: juldyzdy 25 kún» aıasynda «Taraz Arena» sport saraıynda ótken «Otbasy – baqyt mekeni» atty sport saıysy shańyraq shattyǵyn nasıhattap, qatysýshylardyń rýhyn kóterip, jigerlendirip tastady. Jarysqa 12 otbasylyq komandadan turatyn 36 adam qatysty. Iаǵnı, otaǵasy, anasy jáne 12 jasqa deıingi balasy sporttyń júgirý, estafeta, sekirý, arqan tartý jáne taǵy da basqa túrlerinen óz baqtaryn synady.
Shyn máninde, sporttan keler paıda eń aldymen densaýlyqtyń myqty bolýy emes pe? Sońǵy jyldary elimizde dene shynyqtyrý men sportqa, onyń buqaralyq sıpatta damýyna aıryqsha kóńil aýdarylyp keledi. Bul saladaǵy eń basty maqsat – jergilikti turǵyndardyń, onyń ishinde jastardyń salamatty ómir saltyn ustaný arqyly densaýlyǵyn saqtaýǵa yqpal etý jáne sport nysandarynyń qoljetimdiligin arttyrý. О́ıtkeni, sporty bıik eldiń rýhy berik. О́skeleń urpaq ta aldyńǵy tolqynǵa qarap boı túzeıdi. Bul oraıda «Otbasy – baqyt mekeni» saıysynyń jas urpaqqa berer tálimi mol boldy.
Jarys sońynda jeńimpaz komandalar Taraz qalalyq dene shynyqtyrý jáne sport bóliminiń dıplomdarymen, kýbok jáne estelik syılyqtarymen marapattaldy.
Oralhan DÁÝIT,
«Egemen Qazaqstan»
Jambyl oblysy
Sýretti túsirgen
Aqádil RYSMAHAN