Mańǵystaý oblysy respýblıkamyzda bala týý kórsetkishi boıynsha kósh basynda keledi. 1991 jyly óńirde 340 myń turǵyn bolsa, qazirgi tańda kóship kelýshiler men tabıǵı ósim esebinen bul kórsetkish 640 myń adamǵa jetken. Táýelsizdik alǵan soń elimiz boıynsha alǵash ashylǵan Munaıly aýdanyn osydan 9 jyl buryn nebári 43 myń adam meken etse, qazir ol – 140 myń turǵyny bar irgeli aımaq.
Táýelsizdiktiń 25 jyldyǵy merekesi qarsańynda Mańǵystaý oblysy ákiminiń orynbasary B.Nurǵazıeva kóp balaly analardyń birqataryna «Altyn alqa» jáne «Kúmis alqany» tabys etti.
– О́ńirimizdiń bala týý kórsetkishi boıynsha respýblıkada aldyńǵy orynda bolýy – analardyń arqasy. Qazirgi tańda oblysta 6472 «Altyn alqa», 7411 «Kúmis alqa» ıegeri turady. El birligin, Otanymyzdyń gúldenýin otbasyndaǵy ózara syılastyq, baýyrmaldyq súıispenshilikter damyta túsedi. Sondyqtan, analardyń balany ómirge ákelýmen birge, olardy tárbıeleýdegi róli zor», – dedi B.Nurǵazıeva.
Bıyl ólkemizde «Altyn alqaǵa» qol jetkizgen analar sany 104 bolsa, 300 ana – «Kúmis alqanyń» ıesi. Táýelsizdik merekesi qarsańynda 4 ana «Altyn alqaǵa», 7 ana «Kúmis alqaǵa» ıe boldy. Altyn qursaqtylar arasyndaǵy eń jasy – 35 jasta. Marapattalǵandar arasynda «Qazaqstan temir joly» UK» Mańǵystaý oblystyq fılıalynyń qyzmetkeri, «О́zenMunaıGaz» AQ operatory, meıirbıke bar.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
Sýretti túsirgen
Serik MAIEMEROV