Halyqaralyq fýtbol federasııasynyń (FIFA) nusqasy boıynsha 2016 jyldyń eń úzdik fýtbolshysy ataǵyna úmitker oıynshylardyń úshtigine argentınalyq Lıonel Messı, portýgalııalyq Krıshtıaný Ronaldý jáne fransýz Antýan Grızmann kirip otyr. Bul týraly uıymnyń saıtynda habarlandy.
Jeńimpazdyń aty-jóni Shveısarııada Sıýrıh qalasynda 9 qańtarda bolatyn saltanatty rásim barysynda jarııalanbaq.
Messı «Barselona» quramynda Ispanııa chempıonatynda jáne kýbogynda jeńimpaz atandy. Argentınalyq bolsa, ulttyq qurama sapynda Amerıka Kýbogynyń fınalyna deıin jetti. Bul jerde aıta keter jaıt, fınaldyq matchta chılılikter basym túsken bolatyn. Al «Real» shabýylshysy Ronaldý Chempıondar lıgasynda mereıi ústem boldy. Sondaı-aq, Portýgalııa quramasynda oınap, sheshýshi matchta týrnır qojaıyny Fransııa komandasyn jeńip, Eýropa chempıony atandy. Grızmann eýropalyq birinshilikte qaqpaǵa eń kóp gol soqqan shabýylshy atanǵan bolatyn.