Marat Shoranov 1997 jyly Qazaq ulttyq medısınalyq ýnıversıtetin támamdaǵan. Vırgınııa Dostastyǵy ýnıversıtetinde, Emorı ýnıversıtetinde, Rollıns qoǵamdyq densaýlyq saqtaý mektebinde bilim alǵan. Qyzmet jolyn Qazaq ulttyq ýrologııa ǵylymı ortalyǵynda klınıkalyq ordınator retinde bastap, Almatydaǵy lıtotrıpsııa jáne hırýrgııalyq endoskopııa departamentinde jumys istegen.
Departamenttiń kishi jáne aǵa ǵylymı qyzmetkeri, departamenttiń basshysy, B.Jarbasynov atyndaǵy Qazaq ulttyq ýrologııa ǵylymı ortalyǵy dırektorynyń orynbasary qyzmetterin atqarǵan. Astanada densaýlyq saqtaýdy damytý ınstıtýtyn basqardy. AQSh-taǵy Emorı ýnıversıtetiniń ınternatýrasyn aıaqtaǵannan keıin respýblıkalyq densaýlyq saqtaýdy damytý ortalyǵy ekonomıkalyq zertteýler ortalyǵyna jetekshilik etken. Densaýlyq saqtaý jáne áleýmettik damý mınıstrliginiń strategııalyq damý departamenti jáne medısınalyq qyzmetterdi standarttaý departamentiniń dırektory qyzmetin atqarǵan. Densaýlyq saqtaý basqarmasy basshysynyń qyzmetine taǵaıyndalǵanǵa deıin 2015 jyldyń qazan aıynan «Univercity Medikal Center» korporatıvti qorynyń atqarýshy dırektory bolyp jumys istedi.
Azamat QASYM, «Egemen Qazaqstan»