Túrkııanyń Manısa provınsııasynyń aýmaǵynda jer silkinisi boldy, dep habarlaıdy Reuters.
5,1 magnıtýdalyq jerasty dúmpýi Sarýhanly aýdanynda 10 km tereńdikte bolǵan.
Zilzala kórshiles qalalarda da sezilgen.
Sondaı-aq, «QR BǴM Seısmologııalyq tájirıbe-ádistemelik ekspedısııasy» MM seısmıkalyq stansalar jelisi Almaty qalasynan ońtústik-shyǵysqa qaraı 425 shaqyrym qashyqtyqta, Qytaı aýmaǵynda da jer silkingenin tirkegen.
28 mamyr kúni 03 saǵat 39 mınýtta tirkelgen jer silkinisiniń Magnıtýdasy MPV 4.7. Tereńdigi 5 km.
Aldyn ala málimetter boıynsha, eki el turǵyndary arasynda jer silkinisiniń saldarynan zardap shekkender joq.