Bul joly baıqaýdyń «Parasatty otbasy» atalymymen úshinshi oryndy Denısov aýdanyndaǵy Aıat aýylynda turatyn Maqaevtar otbasy ıe boldy. Ǵalym aǵaı men Qarlyǵa apaı on bir bala tárbıelep ósirdi. Olardyń barlyǵy da eńbekte, ómirden óz oryndaryn tapqan, balaly-shaǵaly. Otbasynyń ortaq ıigiligine aınalǵan sharýa qojalyǵyn jas kelse de Ǵalym aǵaıdyń ózi basqarady. Olar «kóp balaly otbasynyń qýanyshy kóp, qıyndyǵy joq, óıtkeni birlesip kótergennen keıin, birlik bolǵannan keıin aýyrlyq eshqashan bilinbeıdi» deıdi.
«О́negeli otabsy» atalymymen beriletin ekinshi orynǵa Sarykól aýdanynda turatyn Mıshenkovtar otbasy ıe boldy. Iýrıı men Ekaterına alty bala tárbıelep otyr. Otaǵasy da, otanasy da
«Amanjol-Agro» sharýashylyǵynda jumys isteıdi, altyn astyq óndiredi. Al balalary shetinen jaqsy oqıdy, tártipti, aınalasyna úlgi. Gir kóterý sportymen aınalysatyn Vasılıı Mıshenkov tek oblys, aýdan ǵana emes, elimizdiń namysyn dúodúldi jarystarda qorǵap júr.
«Mereıli otbasy» atalymymen baıqaýdaǵy birinshi oryndy Amangeldi aýdanynda turatyn Muhdahanovtar otbasy laıyq dep sheshildi. Bul kóp balaly ǵana emes, aty Qostanaı-Torǵaı óńirinen asyp, respýblıkaǵa belgili ónerli otbasy bolyp sanalady. Aıtbaı men Hanzada
Muzdhanovtar 4 bala tárbıelep ósirdi, nemereler ósip jatyr. Aıtbaı aǵanyń 36 jasynda óndiristik jaraqattan bir qolyn kesýge týra keldi. Qıyndyqtar bolmaı qalǵan joq. Jigerli kisi dombyradan bári bir qol úzbedi, qazir 60 kúıdiń, 40 ánniń avtory. Qyzy Anar Astanada belgili kúıshi. Ulttyq baıqaýda birinshi, ekinshi oryn alǵan otbasylarǵa150 myńnyń, al birinshi oryn alǵan Muzdahanovtarǵa 300 myń teńgeniń sertıfıkaty tapsyryldy. Olar maýsym aıynda Astanada ótetin respýblıkalyq «Mereıli otbasy» baıqaýyna oblys atynan barady.
Názıra Járimbetova
«Egemen Qazaqstan»
QOSTANAI