Tártipsizdiktiń qaı kóshede bolǵany jaıly jazady. Germanııadaǵydaı jańashyldyq bizge de jetip, «Zero Tolerance» mobıldi qosymshasynyń qurastyrýshylary elimizdiń Ádilet mınıstrligi avtorlyq quqyq jónindegi kýálikke qol qoıypty.
Mobıldi qosymshany turǵyndar qaladaǵy PlayMarket jáne AppStore elektrondy dúkeninen júktep, uıaly telefon nómiri arqyly tirkeýden óte alady. Habarlanǵan jazba jasyryn túrde túsedi. Onda sýretti, ne beınejazbany túsirgen adamnyń aty-jóni kórsetilmeıdi. Jobada ishki ister departamenti, tótenshe jaǵdaılar departamenti, turǵyn úı-kommýnaldyq sharýashylyq bólimi, densaýlyq saqtaý basqarmasy, turǵyn úı ınspeksııasy, sybaılas jemqorlyqqa qarsy qyzmet, medısınalyq qyzmet kórsetý sapasyn baqylaý departamentteri arnaıy uıashyqtary bar. Prokýrorlardyń aıtýynsha, aldaǵy ýaqytta bul tizimniń basqa memlekettik organdarmen tolyǵady.
Buǵan deıin «Zero Tolerance» mobıldi qosymshasy arqyly turǵyndardan 100 den asa quqyq buzýshylyq kórinis tapqan sýretter men beınejazbalar kelip túsipti. Beınejazbalarda qoǵamdyq orynda araq ishken, shekildeýik shaqqan, temeki shekken, kólikterin ruhsat etilmegen oryndarǵa qoıǵan, aýlada jatqan qoqystar túsirilgen. Prokýrorlar «mobıldi qosymshanyń júzege asqanyna kóp bolǵan joq. Biraq, jurtshylyq óte belsendi. Turǵyndar ózderi ómir súrip otyrǵan ortanyń tazalyǵy, týǵan qalalarynyń tynyshtyǵy,tártibi úshin alańdaıdy degen sóz. Mobıldi qosymsha onlaın rejımde jumys isteıdi. Kelip túsken habarlardy kezekshi operator qabyldap, tıisti mekemege joldaıdy, - deıdi.
Qazir mobıldi qosymsha qyzmetindegi uıashyqtar arqyly memlekettik organdar men turǵyndar arasynda keri baılanys ornatý jóninde jumystar jalǵasýda.
Farıda Byqaı
«Egemen Qazaqstan»
Pavlodar